2012 წელს მიხეილ სააკაშვილს ორი მედია-გიგანტი ემსახურებოდა, „იმედი“ და „რუსთავი 2“ და მან არჩევნები მაინც წააგო - ასეთი განცხადება გააკეთა გადაცემა „რეაქციაში“ „ქრონიკა+“ -ის რედაქტორმა ელისო კილაძემ.

„იმ ადამიანებს, რომლებიც დღეს ძალიან ბედნიერები და გახარებულები არიან იმით, რომ „რუსთავი 2“ - ში შეიცვალა მფლობელი და კანონიერება და სამართლიანობა აღდგა, მინდა, ვუთხრა, რომ ხვალ და ზეგ, როცა დაგჭირდებათ ჩემსავით, როგორც მე დამჭირდა 2 წლის წინ ჩემი შვილის სიმართლისთვის ბრძოლა, როცა არ იქნება „რუსთავი 2“, არ იქნება „Tv პირველი“ და არ იქნება თავისუფალი მიკროფონები, მაშინ რას შვებით და ვისთან მიდიხართ იმისთვის, რომ თქვენი სიმართლე როგორღაც დაამტკიცოთ?! მე ძალიან შორს ვარ იმისგან, რომ ქიბარ ხალვაში „რუსთავი 2“- ის კანონიერი მფლობელია და ვიტყვი, რატომ - სააკაშვილის პირობებში „რუსთავი 2“ ხელიდან ხელში გადადიოდა, იმისდა მიხედვით, რომელი გავლენიანი ჯგუფი იყო დაწინაურებული მიხეილ სააკაშვილის კარზე, ასე ჩამოაშორეს „რუსთავი 2“-ს ეროსი კიწმარიშვილი და კიწმარიშვილი იყო ადამიანი, რომელიც ამბობდა, რომ მის გარეშე „რუსთავი 2“-ის საკითხის გადაწყვეტა არ მოხდებოდა,სწორედ ამიტომ არ არის ეროსი კიწმარიშვილი დღეს ცოცხალი.“ -განაცხადა კილაძემ.

როგორც მან აღნიშნა, 2012 წელს მიხეილ სააკაშვილს ორი უდიდესი მედია ემსახურებოდა, თუმცა, ამის მიუხედავად, მან არჩევნები მაინც წააგო.

 „2012 წელსმიხეილსააკაშვილსორიმედია-გიგანტიემსახურებოდა, „იმედი“და„რუსთავი 2“დამანარჩევნებიმაინცწააგო, იმიტომ, რომ არსებობს განვითარების კანონზომიერება, როდესაც ხელისუფლება ამოწურავს თავის რესურს, სააკაშვილმა წააგო არჩევნები და ყველაფრის  მიუხედავად „ქართული ოცნებაც“ დამარცხდება და არჩევნებს მაინც წააგებს“ , - განაცხადა ელისო კილაძემ.