გარემოს დაცვისა და სოფლის მეურნეობის მინისტრი ლევან დავითაშვილი გაეროს სურსათისა და სოფლის მეურნეობის ორგანიზაციაში (FAO) მუდმივ წარმომადგენელთა დელეგაციის წევრებს შეხვდა.
დელეგაციაში FAO-ს წარმომადგენელი საქართველოში რაიმუნდ იელე და FAO-ში ევროკავშირის, აშშ-ის, ბრაზილიის, ერითრეას, ნიგერიის, ბანგლადეშის და საუდის არაბეთის მუდმივი წარმომადგენლები იმყოფებოდნენ.
შეხვედრაზე ლევან დავითაშვილმა მადლობა გადაუხადა დელეგაციის წევრებს ქვეყანაში აგრარული დარგის განვითარების დინამიკით დაინტერესებისთვის და ხაზგასმით აღნიშნა FAO-ს მხარდაჭერისა და ჩართულობის მნიშვნელობის შესახებ.
„მინდა განსაკუთრებული მადლობა გადავუხადო რაიმუნდ იელეს. გაეროს სურსათისა და სოფლის მეურნეობის ორგანიზაცია ჩვენი სამინისტროს წამყვანი პარტნიორია. ჩვენ არაერთ მნიშვნელოვან პროექტს ვახორციელებთ FAO-ს მხარდაჭერით. ჩვენი პარტნიორული ურთიერთობა გამორჩეულია და, ვფიქრობ, მომავალშიც ეფექტიანი თანამშრომლობა გვექნება“, - განაცხადა ლევან დავითაშვილმა.
შეხვედრაზე მინისტრმა საქართველოსა და ევროკავშირს შორის ასოცირების შესახებ შეთანხმების მნიშვნელობაზე ისაუბრა და ყურადღება ნაკისრი ვალდებულებების შესრულებაზე გაამახვილა.
დელეგაციის წევრების განცხადებით, საქართველოს აგრარული დარგის განვითარების კუთხით მნიშვნელოვანი პროგრესი აქვს. დელეგატებმა საქართველოს მხარეს სრული მხარდაჭერა დაუდასტურეს.
გარემოს დაცვისა და სოფლის მეურნეობის სამინისტროში გამართულ შეხვედრას FAO-ს წარმომადგენელი საქართველოში, მამუკა მესხი და სამინისტროს შესაბამისი სამსახურები წარმომადგენლები ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.