თბილისისა და ბათუმის საერთაშორისო აეროპორტების მმართველი კომპანია „ტავ ჯორჯიას“ გენერალური მენეჯერის მოადგილე თეა ზაქარაძე „ფეისბუქზე“ თბილისის შოთა რუსთაველის სახელობის საერთაშორისო აეროპორტში შექმნილ მდგომარეობაზე განცხადებას აქვეყნებს და ამბობს, რომ მისი კომპანიაში თითქიმის 15-წლიანი მუშაობის პერიოდში ვერასოდეს წარმოიდგენდა, რომ „ოდესმე რაღაც ვირუსის, პანდემიის ან ეპიდემიის გამო აღმოვჩნდებოდით იმ სიტუაციაში, რომელშიც დღეს ვარ“.
იგი ამბობს, რომ აეროპორტში შემცირდა რეისები, თუ იყო 100 რეისი, ახლა არის 7-8 რეისი დღეში და აქედან გამომდინარე, უწევთ პერსონალის შვებულებებში გაშვება, მაგრამა „ეს არ არის დაკეტვა და ეს არის დროებითი“.
„დღეს 18 მარტია 2020 წელი. ზუსტად 14 წელი და 6 თვე, რაც თბილისის საერთაშორისო აეროპორტთან ყოველდღიური შეხება მაქვს.
ვინც მე მიცნობს კარგად, ვინც ჩემი ხასიათი კარგად იცის, ალბათ ზუსტად ხვდება, თუ რატომ ვარ ამდენი წელი აქ. გარდა იმისა, რომ მაქვს პატივი ვიმუშაო ისეთ კომპანიაში, რომელსაც ტავი ჰქვია, კომპანიაში, რომელიც არის ერთ-ერთი უმსხვილესი დამსაქმებელი და რომელიც ერთ-ერთ ყველაზე სტაბილურ კომპანიად ჩამოყალიბდა ჩვენს ქვეყანაში. ასევე მე ვიპოვე ადგილი, რომელიც თავისი დინამიურობით, თავისი ზუზუნით, გუგუნით, ხმაურით, შეუჩერებელი ტემპით მიიწევს წინ, სულ წინ და მეც არ მაძლევს მოდუნების საშუალებას...
მთელი ამ წლების განმავლობაში, ვერასოდეს წარმომედგინა, გულწრფელად გეუბნებით, რომ ოდესმე რაღაც ვირუსის, პანდემიის ან ეპიდემიის გამო აღმოვჩნდებოდით იმ სიტუაციაში, რომელშიც დღეს ვართ. დღეს აეროპორტი ასე გამოიყურება. დღეს აღარ ისმის გამოცხადებები, აღარ ისმის მგზავრების ხმაური და არც თვითმფრინავების ძრავების ხმა. უცნაური შეგრძნებაა ეს ჩვენთვის, ჩემთვის და ჩემი კოლეგებისთვის. არ ვარ ბათუმში, მაგრამ მთელი გულით ვგრძნობ, თუ რას განიცდიან ჩვენი თანამშრომლები იქ.
მე მინდა ერთი რამ გითხრათ, ჩვენ ერთად გამოვიარეთ 2008 წელი, ასევე ეს წლები, კარგიც, ცუდიც, რთულიც და მართალია ეს პრობლემა რაც დღეს გვაქვს ცოტა სხვა ტიპისაა, უფრო გლობალურია, უფრო უცნაურია და გაუგებარია (ჩემთვის ასეა) ,მაგრამ ჩვენ ამ სიტუაციიდანაც გამოვალთ, გადავაგორებთ ამ დღეებსაც, ამ სირთულეებსაც და ყველა ერთად შევძლებთ ბევრად მეტი ავიაკომპანიის, ბევრად მეტი მგზავრის და საჰაერო ხომალდის მიღებას, მომსახურებას, ეს ყველაფერი გადაივლის!!! იყავით მხნედ, განსაკუთრებით ყველა ჩემი თანამშრომელი, რომელიც ამ პირობებში მუხლჩაუხრელად მუშაობს, არ ეშინია ბორტზე შესვლის, მგზავრთან კონტაქტის, თავისი სამუშაოს შესრულების, რომელიც დღეს ერთ-ერთი ყველაზე სარისკო სამუშაოა ალბათ, ჩვენ ვართ წინა ხაზზე ამ რთულ პერიოდში. ამასაც გავართმევთ თავს.
აქვე მინდა გითხრათ, რომ აეროპორტი დაკეტილი არაა, როგორც აცხადებენ, აეროპორტში შემცირდა რეისები, თუ იყო 100 რეისი ახლა არის 7-8 რეისი დღეში, გვიწევს პერსონალის შვებულებებში გაშვება. ბათუმის და თბილისის საერთაშორისო აეროპორტები გადავიდა შეზღუდული ოპერირების რეჟიმზე. ეს არ არის დაკეტვა! და ეს არის დროებითი!! ყველაფერი კარგად იქნება!!“ - წერს თეა ზაქარაძე და არ აკონკრეტებს, შვებულებები ხელფასიანი იქნება თუ უხელფასო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.