ახალი კორონავირუსის დამდგენ ტესტებთან დაკავშირებით ოპოზიციის ერთ-ერთი წარმომადგენლის, გიორგი ვაშაძის შეთავაზებაზე, რომ მას შეუძლია გაუწიოს დახმარება შესაბამის უწყებებს, მათ შორის დაავადებათა კონტროლის ეროვნულ ცენტრს, რომ დააკავშიროს ისინი ტესტების მომწოდებლებთან, კომენტარი ცოტა ხნის წინ ამირან გამყრელიძემ გააკეთა და თქვა, რომ „თუ მას [ვაშაძეს] შეუძლია პირადად დაგვეხმაროს და ტესტები ჰუმანიტარული წესით გადასცეს ქვეყანას, ამაზე მხოლოდ მადლობელი ვიქნებით“.
ამირან გამყრელიძის განცხადებით, ტესტების გადმოცემასთან დაკავშირებით, პირდაპირი მოლაპარაკებები მიმდინარეობს ჩინეთთან, სამხრეთ კორეასთან და გასულ კვირას ჩინეთმა ძალიან სერიოზული აპარატურა აჩუქა საქართველოს „პი-სი-არ“ ტექნოლოგიების და „მომავალ კვირას ათას ტესტს ამ დახვეწილი ტექნოლოგიებისას გადმოგვცემს“.
„დიდი მადლობა ბატონ გიორგი ამ შემოთავზებისთვის. მე მეგონა, რომ შემოგვთავაზებდა, რომ ტესტებს გვაჩუქებდა და ძალიან დიდ მადლობას გადავუხდიდი. რამდენიმე ადამინმა, გვარებს არ დავასახელებ, რამდენიმე ადამინმა შესწირა და გადმოგვცა ტესტი და ასევე ფულადი სახსრებითაც დაეხმარა დაავადებათა კონტროლის ეროვნულ ცენტრს და ტესტებითაც.
რა თქმა უნდა, როცა ეპიდემია ჩაქრება ქვეყანაში, ყველა მათგანს ჩვენ სათითაოდ გადავუხდით დიდ მადლობას. დაკავშირება ნამდვილად არ გვჭირდება იმიტომ, რომ ყოველდღიურად ჩემთან შემოდის დაახლეობით საშუალოდ 10 კომპანიიდან მაინც შემოთავაზება ტესტების მოწოდებასთან დაკავშირებით და ჩვენი „ლუგარის ცენტრის“ პერსონალი აანალიზებს და უკვე გაანალიზებულია და გადაცემული აქვს ეს სამინისტროსთვის, რადგან სამინისტრო აპირებს ცენტრალიზებულად მთელი რიგი ტესტების შეძენას. ასევე, პირდაპირი მოლაპარაკებები მიმდინარეობს ჩინეთთან, სამხრეთ კორეასთან, რადგან გარკვეული რაოდენობა მივიღოთ და იცით, რომ გასულ კვირას ჩინეთმა ძალიან სერიოზული აპარატურა დონაციის სახით გვაჩუქა „პი-სი-არ“ ტექნოლოგიების და მომავალ კვირას ათას ტესტს ამ დახვეწილი ტექნოლოგიებისას გადმოგვცემს. ასე რომ ეს მუშაობა სერიოზულად მიმდინარეობს. ბატონ გიორგის მადლობა ამ ინფორმაციისთვის, მაგრამ ინფორმაცია ძალიან ბევრი გვაქვს. თუ მას შეუძლია პირადად დაგვეხმაროს და ტესტები ჰუმანიტარული წესით გადასცეს ქვეყანას, ამაზე მხოლოდ მადლობელი ვიქნებით“, განაცხადა ამირან გამყრელიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.