ივანიშვილის მიერ შემოღებული შეზღუდვები თავიდანვე იყო აბსურდული, - განაცხადა „ევროპული საქართველოს“ ლიდერმა, დეპუტატმა გიგა ბოკერიამ რამდენიმე წუთის წინ გამართულ ბრიფინგზე და დასძინა, რომ საქართველოს მთავრობის გეგმა არის „ნელი ტემპის, გაუაზრებელი და აზიანებს ქვეყანას“.

ბოკერია მოუწოდებს ხელისუფლებას ერთი კვირის შემდეგ, 8 მაისს გახსნას ქვეყნის ეკონომიკა ჯანდაცვის რეგულაციების შენარჩუნებით, დაუყოვნებლივ მოხსნას კომენდანტის საათი და აღადგინოს ქალაქებს შორის გადაადგილება, ასევე კერძო ავტომანქანებში დასაშვები გახადოს სამ პირზე მეტი მგზავრით გადაადგილება.

გიგა ბოკერია ასევე ითხოვს სასწარაფოდ გაიხსნას ქვეყნის საჰაერო სივრცე და დაწესდეს ტესტირება შემომსვლელი ადამიანებისთვის და ასევე მოიხსნას შეზღუდვები 70 წელს ზემოთ ასაკის ადამიანებისთვის, ამავე დროს დასაშვები გახდეს 50 ადამიანის შეკრება.

ბოკერია ამბობს, რომ საგანგებო წესები შერჩევითი და არათანმიმდევრულია.