დღეში ტელევიზორისთვის მხოლოდ 2 საათიანი ყურებაც კი შესაძლოა სიკვდილის გამომწვევი მიზეზი იყოს, - აცხადებენ ექიმები.

ტელევიზორისთვის დღეში 2 საათზე მეტ ხანს ყურება შესაძლოა ადრეული სიკვდილის გამომწვევი იყოს, - ამტკიცებენ მეცნიერები.

მათ აღმოაჩინეს, რომ ტელევიზორისთვის ყოველდღიურად 2 საათიანი ყურება დიაბეტის 2 სახეობის 20%-ით მეტად განვითარების რისკის შემცველია, 15%-ით მეტია ფატალური თუ არაფატალური გულის დაავადების განვითარებისა და 13%-ით მეტია ნებისმიერი მიზეზით სიკვდილიანობის რისკი.

ასევე, გაზრდილი რისკების უკან მოიაზრება ვარჯიშების ნაკლებობა და უხარისხო საკვების მიღება ტელევიზორის ყურებისას - აცხადებენ მეცნიერები, სამხრეთ დანიის უნივერსიტეტის დოქტორი ანდრეს გრონტვედი და ჰარვარდის საზოგადოებრივი ჯანდაცვის სკოლის დოქტორი ფრანკ ჰუ.

მათი გამოკვლევები, რომელიც ამერიკის სამედიცინო ასოციაციის ჟურნალში დაიბეჭდა, ეყრდნობა რვა სხვადასხვა კვლევის ანალიზს, რაშიც დაახლოებით 235 000 ადამიანი იყო ჩართული.

მკვლევარების შეფასებით, 100 000 ადამიანიდან, რომლებიც ყოველდღიურად 2 საათი უყურებენ ტელევიზორს, 178-ს დიაბეტის 2 სახეობა უვითარდება, 38 ადამიანი ფატალური კარდიოვასკულარული დაავადების რისკის ქვეშაა, 104 ადამიანი კი ნებისმიერი სახის დაავადებისაგან სიკვდილის რისკჯგუფში ექცევა.

ბრიტანული გულის დაავადებათა დაწესებულების წარმომადგენელმა მორენ ტალბოტმა განაცხადა: "ეს გამოკვლევა კიდევ უფრო აძლიერებეს არსებულ სამხილს იმისას, რომ მჯდომარე ცხოვრების წესმა, მაგალითად როგორიცაა ტელევიზორის ყურება, შესაძლოა გაზარდოს დიაბეტის 2 სახეობისა და გულისა და გულსისხლძარღვთა მიმოქცევის დაავადებათა რისკების განვითარება."

"მე დარწმუნებული ვარ, რომ ჩვენ ყველანი ვკარგავთ საუკეთესო დროს საღამოობით ტელევიზორის წინ დივანზე წამოშხლართულები, მივირთმევთ ნამცხვარს, ჩიპსებს თუ სხვადასხვა სასუსნავს, ვსვამთ შაქრის მაღალი შემცველობის გამაგრილებელ თუ ალკოჰოლურ სასმელებს. მაგრამ მნიშვნელოვანია, რომ ცხოვრების ასეთი წესი არ იქცეს რეგულარულ აქტივობად."

"ჩვენ უნდა ვეცადოთ დროის რაციონალური შერჩევა, თუ რამდენი ხანი უნდა ვუყუროთ დღეში ტელევიზორს და თუ რა დრო უნდა დავხარჯოთ სხვა აქტივობებზე."

"ჩვენ კვირაში სულ მცირე 5 დღე მაინც გვესაჭიროება დღეში 30 წუთით ვიყოთ ფიზიკურად აქტიურები, რათა ჩვენმა გულებმა გამართულად იმუშაონ."

მომზადებულია ბრიტანული პრესის მიხედვით

guardian.ge