81 წლის ასაკში გარდაიცვალა ბიოლოგიის მეცნიერებათა დოქტორი, მკვლევარი, თბილისის სახელმწიფო უნივერსიტეტის პროფესორი არნოლდ გეგეჭკორი.
ბატონი არნოლდი იყო ერთადერთი ქართველი მეცნიერი, რომელსაც ტრანსკონტინენტური ექსპედიციები დედამიწის ყველა კონტინენტზე აქვს შესრულებული. საერთაშორისოდ აღიარებული მეცნიერი სხვადასხვა დროს ლექციებს კითხულობდა მსოფლიოს 5 კონტინენტის 8 უნივერსიტეტში.
არნოლდ გეგეჭკორი 600-მდე სამეცნიერო ნაშრომის ავტორია, მრავალი წელი აკავშირებდა თბილისის სახელმწიფო უნივერსიტეტთან, სადაც თსუ ზუსტ და საბუნებისმეტყველო მეცნიერებათა ფაკულტეტზე კვლევით-პედაგოგიურ საქმიანობას ეწეოდა და არაერთ თაობას გაუკვალა გზა.
იყო საქართველოს სახელმწიფო პრემიის ლაურეატი, დაჯილდოებულია ივანე ჯავახიშვილის მედლით, 2000-2001 წლებში კემბრიჯის საერთაშორისო ბიოგრაფიული ცენტრის მიერ მიენიჭა წლის საერთაშორისო პიროვნების ტიტული.
სამეცნიერო საქმიანობასთან ერთად კი, 32 წლის განმავლობაში აქტიურ ჟურნალისტურ საქმიანობას ეწეოდა.
ინფორმაციას თბილისის სახელმწიფო უნივერსიტეტი ავრცელებს და ღრმა მწუხარებას გამოთქვამს საერთაშორისოდ აღიარებული ქართველი მეცნიერის, პროფესორ არნოლდ გეგეჭკორის გარდაცვალების გამო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.