„ლეიბორისტული პარტიის“ თავმჯდომარე შალვა ნათელაშვილი აცხადებს, რომ 2019 წლის 20 ივნისზე პასუხისმგებლობა ბიძინა ივანიშვილს ეკისრება და ამ „ტრაგედიაზე სამართლიანობა დადგება მაშინ, როდესაც ახალგაზრდებისათვის თვალების დათხრის ბრძანებაზე პასუხისმგებელი პირი, ბიძინა ივანიშვილი დაჯდება საბრალდებო სკამზე“.

„20 ივნისის ტრაგედიაზე სამართლიანობა დადგება მაშინ, როდესაც ახალგაზრდებისათვის თვალების დათხრის ბრძანებაზე პასუხისმგებელი პირი, ბიძინა ივანიშვილი დაჯდება საბრალდებო სკამზე, სასამართლო პროცესს დაესწრებიან აი, ეს თვალდათხრილი ახალგაზრდები და ის საუკეთესო თაობა, ვინც იქ შიშველი ხელებით იბრძოდა იმ ღამეს და მოსამართლე გამოაცხადებს განაჩენს სამუდამო პატიმრობაზე ქონების კონფისკაციით. აი, ეს იქნება რეალური, ვაჟკაცური პასუხი იმაზე, რაც მოხდა 20 ივნისის ღამეს“, - განაცხადა ნათელაშვილმა დღევანდელ ბრიფინგზე.