კომპანია „თელასი“ განმარტებას აკეთებს აბონენტებისთვის სმს შეტყობინების გაგზავნასთან დაკავშირებით და აღნიშნავს, რომ შეტყობინებაში მითითებული – მრიცხველის ჩვენების გაგზავნა სავალდებულო არ არის.

„თელასმა“ შექმნა ვებგვერდი მომხმარებლებისათვის Telasi-chveneba3006.telasi.ge, სადაც ერთჯერადად მომხმარებელს შეუძლია, გამოაგზავნოს თავისი მრიცხველის ჩვენება 30 ივნისის მდგომარეობით. ეს მხოლოდ ერთჯერადია და არაა სავალდებულო.

პირველი ივლისიდან მომხმარებლებს ელქტროენერგია მიაწვდის თბილისის ელექტრომიმწოდებელი კომპანია („თელმიკო“), „თელასი“ მხოლოდ ელქტროქსელის ოპერირებას განახორციელებს. მომხმარებლებისათვის დადგენილი პროცედურები და წესები არ იცვლება, ჩვეულებრივი წესით გაგრძელდება მრიცხველის ჩვენების აღება და ელექტროენერგიის ქვითრების დაგზავნა“, – აცხადებენ კომპანიაში.