თბილისის მერიის გადაწყვეტილებით, 22 და 23 თებერვალს, დილის 06:00 საათიდან საღამოს 21:00 საათამდე თბილისიდან მცხეთის მიმართულებით 3 სპეციალური მარშრუტი დაინიშნება. ამის შესახებ ინფორმაციას თბილისის მერია ავრცელებს.

"საზოგადოების ინტერესის, მომლოცველთა დიდი რაოდენობისა და საპატრიარქოს თხოვნის საფუძველზე, თბილისის მერიის გადაწყვეტილებით, 22 და 23 თებერვალს, დილის 06:00 საათიდან საღამოს 21:00 საათამდე თბილისიდან მცხეთის მიმართულებით დაინიშნება 3 სპეციალური მარშრუტი. მოსახლეობა გადაადგილებას შეძლებს: დიდუბის მეტროს ზედა გასასვლელიდან, მეტრო სადგურ "ვაგზლის მოედნის" ავტობუსის გაჩერებიდან("თბილისის ცენტრალის" წინ) და დიდი დიღმიდან ("გუდვილის" მიმდებაე ტერიტორია). აღნიშნულ მარშრუტზე მგზავრობა განხორციელდება უფასოდ და ამ მომსახურებისათვის გამოყოფილი იქნება 140 ავტობუსი", - ნათქვამია მერიის განცხადებაში.