ფოტო: US Embassy Tbilisi, Georgia-ს Facebook-ის გვერდიდან
მე არ შევხვედრივარ ბატონ ივანიშვილს საკმაოდ დიდი ხანია, საქართველოში ჩემი ყოფნის ბოლო 2,5 წლის განმავლობაში, – განაცხადა საქართველოში აშშ-ის ელჩმა კელი დეგნანმა.
როგორც მან აღნიშნა, მისთვის გასაკვირია, რატომ აკეთებს დეპუტატი [ყაველაშვილი] ისეთ განცხადებას, რომელიც არაფერს ეფუძნება.
„როდესაც ამის შესახებ სამშაბათს მკითხეს, არ მქონდა წაკითხული კომენტარები. არ მიყვარს კომენტარის გაკეთება მაშინ, როდესაც ფაქტები არ მესმის, ზოგიერთისგან განსხვავებით, ვისაც მოსწონთ კომენტარების კეთება ინსინუაციებზე, სპეკულაციებსა და ჭორებზე დაყრდნობით, თუმცა ახლა შემიძლია, ვთქვა, რომ მე არ შევხვედრივარ ბატონ ივანიშვილს საკმაოდ დიდი ხანია. საქართველოში ჩემი ყოფნის ბოლო 2,5 წლის განმავლობაში ყველა შეხვედრისას მე ყოველთვის ვარწმუნებდი მას საქართველოს მოსახლეობისადმი აშშ-ის სრულ მხარდაჭერაში და საქართველოს მთავრობასთან მუშაობის სურვილში საქართველოს ევროატლანტიკური მომავლისთვის, საქართველოს დემოკრატიული და ეკონომიკური განვითარებისთვის. არც ერთი ამ შეხვედრის დროს არ მიცდია ბატონი ივანიშვილის დაშანტაჟება. მე ვარ დიპლომატი და შესაბამისად, ამას შეუარცხყოფად არ მივიღებ, თუმცა მარტივად რომ ვთქვათ, ეს არ არის სიმართლე. უნდა ვთქვა, რომ ცოტა მიკვირს, რატომ აკეთებს ეს დეპუტატი ამ განცხადებას, რომელიც არაფერს ეფუძნება, ვინაიდან მე მას არ ვიცნობ და დარწმუნებული ვარ, რომ ის არ მონაწილეობდა ბატონ ივანიშვილთან რომელიმე ჩემს შეხვედრაში. ასე რომ, მე ცოტა გაკვირვებული ვარ მისი მოტივით ამ განცხადების გაკეთებასთან დაკავშირებით“, – თქვა დეგნანმა ჟურნალისტებთან თემის კომენტირებისას.
US Embassy Tbilisi, Georgia
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.