ა.წ. 23 მარტს სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ ცნობილი ქართველი ფეხბურთელი, ხვიჩა კვარაცხელია მიიღო.
საპატრიარქოს ცნობით, შეხვედრას ესწრებოდნენ ზუგდიდისა და ცაიშის მიტროპოლიტი გერასიმე (შარაშენიძე), სამღვდელოება, ფეხბურთელის ოჯახის წევრები და საცოლე.
მისმა უწმინდესობამ დალოცა ხვიჩა კვარაცხელია, მისი თანმხლებნი შემდგომი წარმატებები და ბედნიერება უსურვა.
ხვიჩა კვარაცხელიამ, საპატრიარქოში, სრულიად საქართველოს კათოლიკოს-პატრიარქთან, ილია მეორესთან შეხვედრის შემდეგ განაცხადა, რომ დღეს მისთვის „ყველაზე ბედნიერი დღე იყო“.
„ჩემთვის ძალიან ბედნიერი დღეა დღეს იმიტომ, რომ უწმინდესს შევხვდი. ძალიან დიდი მადლია ეს და ძალიან ემოციურად ვარ იმიტომ, რომ ასე ახლოს მომიწია უწმინდესის ნახვა, თან, მით უმეტეს, საიუბილეო თარიღებია უწმინდესისთვის. ძალიან დიდი მადლობა მას, რომ მიგვიღო - ჩემს ოჯახთან ერთად მოვედი და ძალიან ბედნიერი ვარ დღეს.
რა თქმა უნდა, უწმინდესს მინდა ვუსურვო ჯანმრთელობა და ბედნიერება. მეორედ შევხვდი. პირველად მომეცა ზუსტად აქ შეხვედრის უფლება, მაგრამ ასე ახლოს არ მომიწია მისვლა და როცა დღეს მას ვემთხვიე ხელზე, ჩემთვის ალბათ ყველაზე ბედნიერი დღე იყო და ძალიან დიდი მადლობა მას ამისთვის“, - უთხრა ხვიჩა კვარაცხელიამ საპატრიარქოს ტელევიზია „ერთსულოვნებას“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.