რუსეთის ხელისუფლებამ „დაგეგმა“ და როგორც ჩანს, ჩვენი ხელისუფლება „არ არის წინააღმდეგი“, რომ რუსულმა ავიაკომპანიებმა საქართველოს 3 აეროპორტში (თბილისი, ქუთაისი, ბათუმი) განახორციელონ 284(!) რეისი კვირაში!!!
ძალიან მოკლედ გეტყვით, ჩვენთვის ეკონომიკურად და ფინანსურად კარგი და მომგებიანი იქნებოდა რუსეთის ეს „საჰაერო“ აქტიურობა, რომ არა ერთი გარემოება, - რუსეთი აწარმოებს ფართომასშტაბიან ომს უკრაინის წინააღმდეგ, მისი ტერიტორიების ოკუპაციის და ანექსიის მიზნით! ამ უთანასწორო და სისხლისმღვრელ ომში, უკრაინას ყოველმხრივ მხარს უჭერს მთელი დასავლეთი - აშშ, ევროკავშირი, ნატო. ამიტომ, რუსეთის აგრესიის წინააღმდეგ დასავლეთმა დააწესა ეკონომიკური და ფინანსური სანქციები (11 პაკეტი!), აგრეთვე, პერსონალური, რომლებიც ეხება რუსეთის ასეულობით კომპანიას და ფიზიკურ პირს, რადგან ისინი გვევლინებიან რუსეთის მიერ წარმოებული ომის მხარდამჭერებად! მათ შორის, არიან რუსეთის სამოქალაქო ავიაციის სამგზავრო და სატვირთო (გადამზიდი) კომპანიებიც! აშშ-ს, კანადას და ევროკავშირის 27 სახელმწიფოს, ამ ავიაკომპანიებისათვის საჰაერო სივრცე ჩაკეტილი აქვთ, ანუ, ვერცერთი რუსული თვითმფრინავი ვერ ჯდება დასავლეთის სახელმწიფოების აეროპორტებში!
დასავლეთის მიერ დაწესებულმა სანქციებმა დიდი დარტყმა მიაყენა კონკრეტულად ამ სფეროს, რუსეთის სამოქალაქო ავიაციის მთელ ინფრასტრუქტურას! კერძოდ, 40%-ით შემცირდა ფრენები, 30%-ით შემცირდა მომსახურე პერსონალი, მწვავე დეფიციტია საჰაერო ხომალდების (ამერიკაში და ევროპაში ნაწარმოები თვითმფრინავების) სათადარიგო ნაწილების და ა.შ. ასე რომ, რუსეთის სამოქალაქო ავიაცია ღრმა კრიზისში იმყოფება, ქვეყნაში მხოლოდ შიდა ფრენები და არადასავლეთის ქვეყნებთან ავიამიმოსვლა არ არის საკმარისი იმისათვის, რომ ისინი გაუმკლავდნენ არსებულ კრიზისს! ყოველივე ამის ფონზე, საქართველოსთან აღდგენილი ავიაკავშირი (რომელიც რუსეთმა გაწყვიტა 2019 წელს, ანუ უკრაინაში ომის დაწყებამდე 3 წლით ადრე!) რუსეთისთვის, მისი სამოქალაქო ავიაციისთვის „მაშველი რგოლია“, რადგან მცირედით, მაგრამ მაინც, რუსული ავიაკომპანიების ბიუჯეტი გაიზრდება, ამ სფეროში მომუშავე დათხოვნილი თანამშრომლების ნაწილი, ისევ დასაქმდება და ა.შ.
გარდა ამისა, თუ რამდენად უსაფრთხო იქნება საქართველისთვის ოკუპანტი რუსეთის სხვადასხვა ქალაქებიდან (არამარტო მოსკოვი) კვირაში 284 რეისის „ჩამოფრენა“, თქვენ თავად განსაჯეთ. მე კი ვიცი, რომ „მფრინავი რუსების“ შემოშვება არ არის გონივრული გადაწყვეტილება და დიდი ალბათობით, ძვირადაც დაგვიჯდება...
ჯუმბერ კირვალიძე,
პოლიტოლოგი - დამთავრებული აქვს ლომონოსოვის სახელობის მოსკოვის სახელმწიფო უნივერსიტეტი
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.