ზოგიერთ კომერციულ ბანკში ერთი აშშ დოლარის ღირებულება 2.5200 ლარია.


უცხოურ ვალუტებთან მიმართებაში ლარის გაცვლითი კურსის შესახებ ინფორმაცია საქართველოში მოქმედ კომერციულ ბანკებს თავიანთ ვებგვერდზე აქვთ განთავსებული, თუმცა მონაცემები სწრაფად იცვლება. ამ დროის მონაცემებით, "საქართველოს ბანკის" ვებგვერდზე განთავსებული ინფორმაციის თანახმად, ერთი აშშ დოლარის ყიდვა მომხმარებელს 2.495 ლარად შეუძლია, ხოლო გაყიდვა - 2.415 ლარად.


"თიბისი ბანკში" 1 აშშ დოლარის შეძენა 2.4930 ლარად არის შესაძლებელი, გაყიდვა - 2.4170 ლარად. "ბანკ რესპუბლიკაში" 1 აშშ დოლარის ღირებულება 2.5200 ლარია, ხოლო მისი ჩაბარების შემთხვევაში მომხმარებელი 2.4150 ლარს მიიღებს.


"პროკრედიტ ბანკში" 1 აშშ დოლარი 2.5140 ლარი ღირს, ხოლო მისი გაყიდვის ფასი 2.4660 ლარია.


ეროვნული ბანკის ლარის ახალ გაცვლით კურსს, რომელიც შაბათ-კვირას იმოქმედებს, სულ ცოტა ხანში გამოაქვეყნებს.