"მემარცხენე ალიანსის" პოლიტიკური მდივანი, პაატა ჯიბლაძე ხელისუფლებას მოუწოდებს, სოფლად მცხოვრები კერძო საკუთრებაში არსებული მიწის ნაკვეთების რეგისტრაციის ხარჯები სრულად დააფინანსოს. განცხადება ამის თაობაზე ჯიბლაძემ დღეს გამართულ პრესკონფერენციაზე გააკეთა.
"ეკონომიკისა და მდგრადი განვითარების სამინისტროში დაჩქარებული ტემპით მიმდინარეობს მუშაობა კანონპროექტზე, რომლის შედეგადაც კერძო საკუთრებაში არსებული დაურეგისტრირებელი მიწის ნაკვეთები გადავა სახელმწიფოს საკუთრებაში. პარტია "მემარცხენე ალიანსს" მიაჩნია, რომ ამ კანონპროექტზე მუშაობა არის ანტისახელმწიფოებრივი და მისი ამოქმედების შემთხვევაში, მიწები უპირველეს ყოვლისა ჩამოერთმევათ სოფლად მცხოვრებელ ჩვენს იმ თანამემამულეებს, რომლებმაც თავის დროზე მძიმე ეკონომიკური მდგომარეობისა და სოციალური სიდუხჭირის გამო ვერ მოახერხეს, ჯერ კიდევ 1994 წელს შევარდნაძის განკარგულებით მათზე გადაცემული მიწების რეგისტრაცია.
ზემოთ აღნიშნულიდან გამომდინარე, მოვუწოდებთ მთავრობას, სრულად დააფინანსოს სოფლად მცხოვრები მოსახლეობის კერძო საკუთრებაში არსებული მიწის ნაკვეთების რეგისტრაციის ხარჯები, წინააღმდეგ შემთხვევაში, "მემარცხენე ალიანსი" სათავეში ჩაუდგება მიწების ექსპროპრიაციის შედეგად გამწარებული ფერმერებისა და გლეხების მრავალათასიან საპროტესტო აქციებს", - განაცხადა პაატა ჯიბლაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.