იტალიაში ახალი შეზღუდვების დაწესებასა და კომენდანტის საათის გამოცხადებას მასობრივი პროტესტი მოჰყვა
27-10-2020, 09:19

შრიფტის ზომა: [ A+ ] / [ A- ]

 

(GUARDIAN.GE) - იტალიაში კორონავირუსის მეორე ტალღის გამო დაწესებულ მკაცრ შეზღუდვებს მოქალაქეების პროტესტი მოჰყვა. დემონსტრაციები გაიმართა ქვეყნის რამდენიმე მთავარ ქალაქში, მათ შორის ტურინში, სადაც პოლიციის ოფიცრებს „მოლოტოვის კოქტეილები“ ესროლეს. მილანში, სადაც პროტესტანტები გაჰყვიროდნენ „თავისუფლება, თავისუფლება, თავისუფლება“, პოლიციამ მოქალაქეების დასაშლელად ცრემლსადენი გაზი გამოიყენა.

 


ორშაბათს რომში, პალერმოში და ათეულობით სხვა ქალაქში დემონსტრაციები მას შემდეგ დაიწყო, რაც მთავრობამ რესტორნების, ბარების, სავარჯიშო დარბაზების და კინოთეატრების დახურვის გადაწყვეტილება გამოაცხადა, რაც ადგილობრივი დროით 18:00 საათიდან შევიდა ძალაში.

 


ბევრმა რეგიონმა, მათ შორის ლომბარდიამ, რომლის ადმინისტრაციული ცენტრიც მილანია, პიდმონტმა, რომლის შემადგენლობაშიც ტურინი შედის, ასევე, ღამის საათებში კომენდანტის საათი დააწესა.

 


მაშინ როცა კორონავირუსის პირველი ტალღის დროს იტალიაში გამოცხადებულმა მკაცრმა შეზღუდვებმა მშვიდობიანად ჩაიარა, ახალი შეზღუდვების გამოცხადებამ დაოუყოვნებელი ვნებათაღელვა გამოიწვია. მცირე ბიზნესების წარმომადგენლები ამტკიცებენ, რომ ისინი ქვეყნის პირველი დახურვისას მიყენებული ზიანისაგან ჯერ კიდევ არ გამოსულან და უფრო მეტმა შეზღუდვებმა შესაძლოა მათი გაკოტრება გამოიწვიოს.

 


რას ითვალისწინებს ახალი შეზღუდვები იტალიაში?

 


რესტორნებმა, ბარებმა და კაფეებმა 18:00 საათზე უნდა შეწყვიტონ ადგილზე მომსახურება და შუაღამემდე მხოლოდ წაღების მომსახურება შესთავაზონ მომხმარებელს. კონტაქტური სპორტი აიკრძალა, მაგრამ მაღაზიები და ბიზნესების უმეტესობა ღია დარჩება.

 


ახალი შეზღუდვები, რომელიც 24 ნოემბრამდეა ძალაში, ასევე ითვალისწინებს იმას, რომ საჯარო სკოლებისა და უნივერისტეტების 75% აუდიტორიების ნაცვლად სწავლებას ონლაინ მეთოდით განაგრძობენ.

 

 

რეგიონულმა მთავრობებმა ყველა სკოლას მოსთხოვა სწავლების დისტანციურ რეჟიმზე გადასვლა, როგორც ამას BBC იტალიურ მედიაზე დაყრდნობით იუწყება, მაგრამ განათლების მინისტრი ლუცია აზოლინა ამის წინააღმდეგ წავიდა.

 


მთავრობა ასევე დაჟინებით მოუწოდებს მოქალაქეებს არ იმოგზაურონ თავიანთი მშობლიური ქალაქების გარეთ, თუკი ამის აბსოლუტური საჭიროება არ არსებობს და ასევე მოერიდონ საზოგადოებრივი ტრანსპორტის გამოყენებას.

 

 

რა ხდება ესპანეთში? 

 

 

ესპანეთმა „კოვიდ-19“-ის ინფექციის გავრცელების შესაკავებლად და მასზე უფრო მეტი კონტროლის განხორციელების მიზნით მთელი ქვეყნის მასშტაბით საგანგებო მდგომარეობა გამოაცხადა და ღამის საათებში კომენდანტის საათი დააწესა.

 


პრემიერ მინისტრმა, პედრო სანჩესმა განაცხადა, რომ კომენდანტის საათი 23:00 საათიდან 06:00 საათამდე იმოქმედებს და ის ძალაში კვირას შევა.

 


სანჩესის თქმით, საგანგებო ზომების ფარგლებში ადგილობრივ ხელისუფლებებს შეეძლებათ აკრძალონ რეგიონებს შორის მგზავრობა. მისივე განცხადებით, იგი პარლამენტს წინადადებით მიმართავს, რომ ახალი წესები თავდაპირველად ძალაში 15 დღით შევიდეს და მისი 6 თვით გაგრძელების შესაძლებლობა იყოს.

 


სანჩესის განცხადებით, სხვადასხვა რეგიონს შესაძლებლობა ექნება ღამის საათებში კომენდანტის საათის მოქმედების ხანგრძლივობის პერიოდი თავად განსაზღვრონ, რეგიონებს შორის გადაადგილებაზე შეზღუდვებს კი თავად რეგიონული ლიდერები გადაწყვეტენ და ის სამუშაო და სამედიცინო საჭიროებების შესაბამისად იქნება მიღებული.

 


ახალი წესები ასევე მოიცავს საჯარო და კერძო შეკრების შეზღუდვებს და მაქსიმუმ 6 ადამიანის შეკრება იქნება დაშვებული.

 


„მდგომარეობა, რომელშიც ჩვენ ვიმყოფებით, ექსტრემალურია. ის ყველაზე სერიოზულია ბოლო ნახევარი საუკუნის განმავლობაში“, განაცხადა სანჩესმა სატელევიზიო მიმართვისას.

 


ესპანეთი, რომელიც 2020 წლის დასაწყისში კორონავირუსის პირველმა ტალღამ მძლავრად დააზარალა და რომელსაც მსოფლიოს სხვა ქვეყნებთან შედარებით ერთ-ერთი ყველაზე მკაცრი ამკრძალავი ზომები ჰქონდა მიღებული, ახლა მეორე ტალღასთან ბრძოლას ისევ მკაცრი შეზღუდვების დაწესებით აპირებს.

 

კომენტარები: 523
#3   ryanjones ryanjones
      
Its gathered on your site even though reducing popularity merely quite a few tid tiny bit submits. Enjoyable technique for impending, I'll be book-marking before starting purchase products and solutions final result spgs up right up. novinky
26 იანვარი 2021 06:24
#2   ryanjones ryanjones
      
I’m a fabulous reader just for lots of the articles or blog posts, Document really savored, A totally free quite rather have a great deal more statistics on the subject of this approach, seeing that it will be ok., Kudos just for offer. pr clanek
21 იანვარი 2021 08:29
#1   ryanjones ryanjones
      
This is exactly each an awesome content and articles document really quite quite beloved reading. This isn't on daily basis i feature capability to work out a huge concern. เว็บพนัน UFABET
15 იანვარი 2021 01:31
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *


უკან1 ... 18 19 20 21 22 23 24 25 26 27 წინ


მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი