ქ. ხობის კულტურის სახლის დიდ საკონცერტო დარბაზში აკაკი წერეთლის ნაწარმოების მიხედვით სპექტაკლის „ნათელას“ პრემიერა გაიმართა.


როგორც guardian.ge -ს ხობის მუნიციპალიტეტის გამგეობიდან აცნობეს, პრემიერის დასაწყისში ხობის მუნიციპალიტეტის გამგებელმა გოჩა ქაჯაიამ და საკრებულოს თავმჯდომარემ ედიშერ ჯობავამ დარბაზში მყოფ ქალბატონებს დედის დღე და ქალთა დღე მიულოცეს და ტიტები მიართვეს.


რეჟისორი მარინა ჯღარკავა პიესაზე არაპროფესიონალ მსახიობებთან ერთად ერთი თვის განმავლობაში მუშაობდა. საჯარო სკოლის მოსწავლეებმა, ბავშვთა თეატრალური დასის მსახიობებმა თინათინ აბრამიამ, ილონა ცაგურიამ, ლუკა ზარანდიამ, მარიამ ლომაიამ, მარიამ წურწუმიამ, მარიამ შელიამ, მარიამ სიორდიამ, ქრისტინა გაბედავამ, დავით ბოჭორიშვილმა, ნიკო შონიამ, მათე ბერაიამ, ბექა წურწუმიამ, ირაკლი ვეკუამ, ბესო სახოკიამ და გოგიტა ნატრიაშვილმა დასამახსოვრებელი და მნიშვნელოვანი ისტორიები წარმოადგინეს.


პრემიერა, რომელმაც დიდი მოწონება დაიმსახურა, გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით გაიმართა.