„დანიელი ინვესტორის ჯესპერ იორგანსონის ინიციატივით, უკვე რამდენიმე თვეა ლანჩხუთში სანერგე მეურნეობის მოწყობა დაიწყო. მან იჯარით აიღო 321 ჰა მიწის ნაკვეთი, სადაც 40 ჰა-ზე იტალიური ვერხვის ხეები ირგვება,“ – აღნიშნული განცხადება guardian.ge–სთან საუბრისას ლანჩხუთის მუნიციპალიტეტის გამგებელმა ზაზა ურუშაძემ გააკეთა.
„ახლახან ლანჩხუთში დანიელი ინვესტორი ჯესპერ იორგანსონი მეუღლესთან, თინა-მარია იორგანსონთან, ერთად იმყოფებოდა. ბატონი ჯესპერი კომპანია „sustaine energy a/s“-ის დირექტორი გახლავთ. ჯესპერმა იჯარით აიღო 321 ჰა მიწის ნაკვეთი, სადაც 40 ჰა-ზე იტალიური ვერხვის ხეები ირგვება. აღნიშნული ხის ჯიში გადამუშავების შემდეგ ევროპაში იგზავნება. ევროპელები მას ძირითადად სათბობად იყენებენ, რადგან ეკოლოგიურად სუფთაა და იაფიც ჯდება. დასაქმებულია 35 ადამიანი.
ზაზა ურუშაძის თქმით, უცხოელები ორი წლის განმავლობაში სწავლობდნენ ქართულ მიწებს და კვლევებმა აჩვენა, რომ ვერხვის ხის გასაშენებლად ყველაზე კარგი ნიადაგი სწორედ ლანჩხუთის მუნიციპალიტეტშია.
„სამუშაოები თავდაპირველად 40 ჰა-ზე დაიწყო. ბატონ ჯესპერს სამომავალოდ დაგეგმილი აქვს ააშენოს ხის გადამამუშავებელი ქარხანა, გახსნას სასადილო მუშებისთვის. დასაქმდება დაახლოებით 600-მდე ადამიანი. როგორც თავად გვითხრა, ხეების გატანას დანიასა და ნორვეგიაში გეგმავს. იქ მათზე ძალიან დიდი მოთხოვნაა,“ განუცხადა guardian.ge–ს ლანჩხუთის მუნიციპალიტეტის გამგებელმა, ზაზა ურუშაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.