სასჯელაღსრულებისა და პრობაციის მინისტრი კახა კახიშვილი არ თვლის, რომ პრეზიდენტი გიორგი მარგველაშვილი ჭორაობს.
ასე უპასუხა კახიშივლმა ჟურნალისტეების კითხვას იმის თაობაზე, ვიცე-პრემიერ კახა კალაძეს მსგავსად, ისიც მიიჩნევს თუ არა, რომ პრეზიდენტი მისი ოჯახის წევრისადმი განხორციელებულ მუქარასთან დაკავშირებით ჭორაობს.
„მე არ ვთვლი, რომ პრეზიდენტი ჭორაობს... ნამდვილად არ ვიცი, რა გახდა ამ განცხადების გაკეთების საფუძველი. ასეთი ტიპის განცხადება შემდგომში ყოველთვის არის გამოძიების დაწყების საფუძველი და როგორც ვიცი, პროკურატურაში ამ საკითხზეც დაიწყო გამოძიება“, - განაცხადა კახიშვილმა.
მისივე თქმითვე, კორცხელის ინციდენტთან დაკავშირებით, რომელთა მიმართებაშიც პრეზიდენტს ვიცე-პრემიერისადმი კითხვები აქვს, გამოძიება ასევე მიმდინარეობს და რამდენიმე პირი მიცემულია სისხლის სამართლის პასუხისგებაში.
„საქმის კონკრეტული დეტალები ნამდვილად არ ვიცი და ვერც მეცოდინება. იცით, რომ მეორე მხრიდანაც არიან დაზარალებეულები. ამ გამოძიების ფარგლებში ყველაფერი გაირკვევა. როგორც ვიცი, გამოძიების ფარგლებში ამ საკითხზეც მუშაობს პროკურატურა“, - განაცხადა კახიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.