შიდასახელმწიფოებრივი მნიშვნელობის ქუთაისი–ალპანა–მამისონის უღელტეხილის ალპანა–ჭრებალოს 18–კილომეტრიანი მონაკვეთის (კმ50-კმ70) რეაბილიტაცია მიმდინარეობს.
პროექტი მსოფლიო ბანკის დაფინანსებით, შიდასახელმწიფოებრივი და ადგილობრივი მნიშვნელობის გზების მესამე პროექტის (SLRP III) ფარგლებში ხორციელდება.
რეგიონული განვითარებისა და ინფრასტრუქუტირს სამინისტროს საავტომობილო გზების დეპარტმანებტის ცნობით, სარეაბილიტაციო მონაკვეთი მდებარეობს ცაგერისა და ამბროლაურის მუნიციპალიტეტებში მდ. რიონის მარცხენა სანაპიროზე და გაივლის 12 სოფელს: ალპანა, აჭარა, ზოგიში, ცაგერა, ზემო საირმე, ქვემო საირმე, ჭრებალო, ზედა ღვარდია, ქვედა ღვარდია, ზედა ჭყვიში, ჭყვიში, ქვიშარი.
პროექტით გათვალისწინებულია: გზის საფარის აღდგენა და ორფენიანი ასფალტ-ბეტონის საფარის მოწყობა; ხელოვნური ნაგებეობების, მათ შორის მონაკვეთზე არსებული რკინა-ბეტონის ხიდის რეაბილიტაცია; გაბიონების, ბეტონის საყრდენი კედლების, კიუვეტების, ადგილობრივ გზებთან მიერთებებისა და მოსახლეობის ეზოებში შესასვლელების მოწყობა; ასევე, განხორციელდება გზის შემოფარგვლა, ტროტუარების, საგზაო ნიშნების, ქვეითად მოსიარულეთა ხელოვნური ბილიკების, ავტოპავილიონებისა და ავტობუსის გასაჩერებელი მოედანის მოწყობის სამუშაოები.
პროექტის ღირებულება 10 142 652 ლარია. სამუშაოები მიმდინარე წლის მაისში დაიწყო და 2017 წელს დასრულდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.