„ამ რეზოლუციის ხმათა უმრავლესობით მიღებით, თეთრი სახლი მკაფიო გზავნილს ავრცელებს, რომელსაც არა მხოლოდ საქართველოში, არამედ კრემლშიც გაიგებენ; გზავნილის არსი იმაში მდგომარეობს, რომ ამერიკის შეერთებული შტატები არ შეეგუება რუსეთის ძალისხმევას, რომლის მიზანია შელახოს საქართველოს სუვერენიტეტი და ტერიტორიული მთლიანობა, და რომ ის ყოველთვის ამ მებრძოლი დემოკრატიისა და მამაცი ქართველი ხალხის მტკიცე პარტნიორად დარჩება“ - ნათქვამია შეერთებული შტატების წარმომადგენლობითი პალატის საგარეო ურთიერთობათა კომიტეტის თავმჯდომარის ედ როისის მიერ რეზოლუციის კენჭისყრასთან დაკავშირებით გავრცელებულ განცხადებაში.
კონგრესმენი ტედ პო კონგრეში მიღებულ რეზოლუციასტან დაკავშირებით კი ამბობს, რომ „ჩვენმა მეგობრებმა საქართველოსა და მთელ რეგიონში უნდა იცოდნენ, რომ ამერიკის შეერთებული შტატები არ შეწყვეტს თავის მოკავშირეთა მხარდაჭერას. ჩვენ მკაფიოდ უნდა განვაცხადოთ ჩვენი პარტნიორების წინაშე აღებული ვალდებულების შესახებ. მსოფლიოში მიმდინარე პროცესებიდან უკან დახევის ნაცვლად, ამერიკის შეერთებულმა შტატებმა თავის მოკავშირეებთან ურთიერთობები კიდევ უფრო უნდა გააღრმავოს. საქართველო აშშ-ის ღირებული მოკავშირეა, რომელსაც რუსული ავტორიტარიზმის ცივი ქარი ემუქრება“.
„მოხარული ვარ ამერიკის შეერთებული შტატების კონგრესის მიერ N660 რეზოლუციის მიღებით. ჩვენი პარტნიორის - საქართველოს ტერიტორიული მთლიანობა და სუვერენიტეტი ძალზე მნიშვნელოვანია საერთაშორისო საზოგადოებისთვის. მე დავგმე რუსეთის ფედერაციის მიერ საქართველოს ტერიტორიული მთლიანობის შელახვა და მე ვაფასებ ქართველი ხალხის შეუპოვარ ძალისხმევას ააშენოს წარმატებული დემოკრატიული სახელმწიფო ამ ურთულეს რეგიონში“ - კონგრესმენი გრეგორი მიკსი საქართველოს ტერიტორიული მთლიანობის შეახებ რეზოლუციზე.
აშშ-ის კონგრესის წარმომადგენელთა პალატამ საქართველოს ტერიტორიული მთლიანობის მხარდამჭერი ორპარტიული რეზოლუცია (H.Res. 660) აბსოლუტური უმრავლესობით მიიღო. სახელობითი კენჭისყრის შედეგად რეზოლუციას წარმომადგენელთა პალატის 410-მა წევრმა დაუჭირა მხარი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.