„9 დღეც მოითმინეთ და ჩადგება ქარიშხალი. დასრულდება მაღალი დონის ევროპული არჩევნებით. არ აქვთ მათ სიტუაციის არევის თავი. არჩევნების შემდგომ ჩვენ მივიღებთ იმას, რასაც 2012 წელს ელოდებოდა საზოგადოება“,-განაცხადა ყოფილმა პრემიერ მინისტრმა, ბიძინა ივანიშვილმა გორში, მედიის წარმომადგენლებთან შეხვედრაზე.
მისი თქმით, „ნაციონალური მოძრაობა“ ცუდ დღეშია“.
„ცუდ დღეში არიან, იციან რეიტინგები, იციან რეალობა, რაც ხდება, ისიც იციან, რომ არავინ არაფერს გააყალბებს, ისიც იციან, რომ მათ არავითარი რესურსი არ აქვთ. ამაზე ათზე სუსტი სახელმწიფო რომც იყოს, მათ არანაირი რესურსი არ აქვთ, გარდა მუქარისა, შეურაცხყოფებისა, რასაც ისინი ცდილობენ თავის ოპონენტებზე და ხელისუფლებაზე“,-განაცხადა ყოფილმა პრემიერმა.
ივანიშვილმა ასევე აღნიშნა, რომ ამ 4 წლის განმვალობაში საზოგადოებამ ვერ დაისვენა, რადგან „ნაციონალური მოძრაობის“ „თავხედურ გამონათქვამებს“ ისმენს.
„საზოგადოებამ იფიქრა, რომ 2012 წელს „ომს“ მოვიგებთ და დავისვენებთ, ვერ დაისვენეს. 4 წელი ემოციებზეა მთელი საზოგადოება, იმიტომ რომ მათ თავხედურ გამონათქვამებს და პოზიციებს ხედავენ ისევ. ვარწმუნებ საზოგადოებას, რომ „ომი“ ახლა სრულდება. 9 დღის შემდგომ სრულდება ეს „ომი“, დასრულდება "ყვარყვარიზმი“,-აღნიშნა მან.
რაც შეეხება კოჰაბიტაციას, ივანიშვილის თქმით, „ნაციონალური მოძრაობის“ წევრები ჩვენი მოქალაქეები არიან და ხელისუფლების ვალია მათზეც იზრუნოს.
„პროცესი ამ არჩევნებით სრულდება და გარწმუნებთ, რომ ამის შემდგომ მაგათ ბობოქრობას ვეღარ ნახავთ. რაც შეეხება კოჰაბიტაციას, თანაცხოვრებას, არ იფიქროთ, რომ უარი უნდა ვთქვათ, ჩვენ თანამოქალაქეებზე. „ნაციონალური მოძრაობის“ წევრები ჩვენი მოქალაქეები არიან და ვალი გვაქვს მათზეც ვიზრუნოთ. მათ ვერაფერი სერიოზული ვერ გააფუჭეს“,-განაცხადა ყოფილმა პრემიერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.