აბსოლუტურად პასუხისმგებელი ვარ იმ კაბინეტზე, რომელიც არის წარმოდგენილი, - ასე უპასუხა გიორგი კვირიკაშვილმა მინისტრთა კაბინეტის დაკომპლექტებასთან დაკავშირებით, "ერთიანი ნაციონალური მოძრაობის" წევრის, ნიკა მელიას შეკითხვას.
კვირიკაშვილის თქმით, მელიას შეკითხვა ნომინალურ პრემიერ მინისტრობასთან დაკავშირებით, არაკორექტული იყო.
"თქვენი შეკითხვა ნომინალურ პრემიერ მინისტრობასთან დაკავშირებით, არაკორექტული იყო. რა თქმა უნდა, მე მაინც კონსტრუქციულად გიპასუხებთ. აბსოლუტურად პასუხისმგებელი ვარ იმ კაბინეტზე, რომელიც არის წარმოდგენილი და ყველა საკადრო გადაწყვეტილებაზე, რომელიც მიიღება დღეს მინისტრთა კაბინეტის ფარგლებში და იმ საკადრო გადაწყვეტილებებზეც, სადაც ვრცელდება ჩემი კომპეტენცია", - განაცხადა კვირიკაშვილმა.
ნიკა მელიამ კვირიკაშვილს ნომინალური პრემიერ მინისტრი უწოდა და განაცხადა, რომ არსებობს განცდა, რომ იგი ვერც ერთ მნიშვნელოვან საკითხს ვერ წყვეტს.
"გულახდილად მაინტერესებს, ბ-ნო გიორგი, ეს გუნდი, რომელიც აქ არის წარმოდგენილი თქვენი დაკომპლექტებული? თქვენი რეკომენდაციით არის ეს ხალხი აქ წარმოდგენილი? ამას იმიტომ გეკითხებით, რომ ჩვენი საზოგადოების უმნიშვნელოვანეს ნაწილში არსებობს ეს განცდა, რომ თქვენ ხართ ნომინალური პრემიერ მინისტრი. თქვენ რეალურად ვერ წყვეტთ ვერც ეკონომიკურ, ვერ საკადრო და ვერც პოლიტიკურ საკითხებს. გულახდილად გეკითხებით. მე ვცდილობ უბრალოდ დავსვა ის კითხვა, რომელიც ჩვენი ქვეყნის მაცხოვრებლების უმნიშვნელოვანეს ნაწილს აინტერესებს", - მიმართა ნიკა მელიამ გიორგი კვირიკაშვილს.
დღეს საპარლამენტო უმცირესობა პრემიერ მინისტრის მოვალეობის შემსრულებელსა და მინისტრობის კანდიდატებს უსმენდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.