საქართველოს შეიარაღებული ძალები დღეს დაარსებიდან 27 წლის იუბილეს ზეიმობს. ქართული არმიის დღისადმი მიძღვნილი ღონისძიებების აღნიშვნა თავდაცვის სამინისტროს მართვის ცენტრიდან დაიწყო. თავდაცვის მინისტრმა, ლევან იზორიამ და გენერალური შტაბის უფროსმა, გენერალ-მაიორმა ვლადიმერ ჩაჩიბაიამ შეიარაღებული ძალების მთავარ სერჟანტთან, მთავარ სერჟანტ კობა ცირეკიძესთან ერთად, ვიდეოკონფერენციის საშუალებით ავღანეთსა და აფრიკის კონტინენტზე საერთაშორისო მისიებში მყოფ ქართველ მშვიდობისმყოფელებს პროფესიული დღე მიულოცეს და ქვეყნის წინაშე აღებული ვალდებულებების მაღალ დონეზე შესრულებისთვის, ქვეყნის თავისუფლების დაცვისთვის მადლობა გადაუხადეს.
თავდაცვის მინისტრმა განსაკუთრებული ყურადღება საერთაშორისო ოპერაციებში ქართველი მშვიდობისმყოფელების პროფესიონალიზმსა და გამბედაობას გაუსვა ხაზი და აღნიშნა, რომ სწორედ მათი შემწეობით საქართველო სტრატეგიული მოკავშირეებისთვის ერთ-ერთი ღირსეული პარტნიორი გახდა.
მართვის ცენტრიდან ჩართვა ავღანეთის ისლამური რესპუბლიკის ოთხ ლოკაციასა და აფრიკის კონტინენტის ორ ქვეყანაში - ცენტრალური აფრიკის რესპუბლიკასა და მალიში განხორციელდა. ამჟამად, ავღანეთში ნატოს ეგიდით მიმდინარე „მტკიცე მხარდაჭერის“ მისიაში, ქაბულში საქართველოს შეიარაღებული ძალების უფროსი სამხედრო წარმომადგენლობა და სპეციალური ოპერაციის ძალების რეინჯერთა ბატალიონის ნაკრები ასეული ჩართული. ბაგრამის საავიაციო ბაზაზე საერთაშორისო მისიას III ქვეითი ბრიგადის 31-ე ბატალიონი ასრულებს, მაზარ-ი-შარიფში, ბაზა „მარმალზე“ კი - IV მექანიზებული ბრიგადის ნაკრები ასეული. აფრიკის კონტინენტზე ევროკავშირის ეგიდით მიმდინარე სამხედრო-საწვრთნელ მისიებში საქართველოს შეიარაღებული ძალები ორ ქვეყანაში - ცენტრალური აფრიკის რესპუბლიკასა და მალიშია წარმოდგენილი. ამჟამად, ცარ-ში სამხედრო-საწვრთნელ მისიას EUTM RCA ეროვნული გვარდიის ქვეითი ოცეული ასრულებს, მალიში კი საქართველო ერთი ოფიცრითაა წარმოდგენილი.
ინფორმაციასა და ფოტო-ვიდეო მასალას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.