ბიძინა ივანიშვილის ქონება, საქართველოს აქტივები და საქართველოში გაკეთებული ფული, ბოლო ორი წლის განმავლობაში, მინიმუმ 4-5 მილიარდს შეადგენს. საქართველო გაღარიბდა. ჩემს დროს თუ ეკონომიკა 4-ჯერ გაიზარდა, ივანიშვილის დროს ის აღარ იზრდება, - განაცხადა მიხეილ სააკაშვილმა გადაცემა „არჩევანში“ საუბრისას.

„როდესაც ქუმსიშვილი და კვირიკაშვილი იძახიან, რომ კრედიტები გამოიტანეს და ეს კრედიტები დააბრუნეს, ეს ბიუჯეტის ხარჯზე მოხდა და ბანკი „ქართუს“ კრედიტებია. დაბრუნება ივანიშვილის ჯიბეში ხდება. ივანიშვილი იყენებს სახელმწიფო რესურსებს. ქართველი ხალხი ივანიშვილის გამდიდრების ხარჯზე ღარიბდება. მისი ქონება, საქართველოს აქტივები და საქართველოში გაკეთებული ფული, ბოლო ორი წლის განმავლობაში, მინიმუმ 4-5 მილიარდს შეადგენს. საქართველო გაღარიბდა. ჩემს დროს თუ ეკონომიკა 4-ჯერ გაიზარდა, ივანიშვილის დროს ის აღარ იზრდება. სამაგიეროდ, ივანიშვილის ქონება იზრდება. მე ფულს ვშოულობდი საქართველოსთვის, იმიტომ, რომ მე ავაშენე ტექნიკური უნივერსიტეტი, ავაშენე ავტობანები, ახალი ქალაქები, როდესაც ივანიშვილი, ფულს შოულობს საქართველოში, ქართველების ხარჯზე. მისი ერთ-ერთი მეგობარია შალელაშვილი, რომლის შვილი, ისრაელის მოქალაქეა, ამერიკელებმა დაიჭირეს იმისთვის, რომ ორი მილიარდი დოლარი მოპარა ჯეი პი მორგანს. ამის მერე რა მოხდა?! 400 მილიონი დოლარი მიატანინეს უკან. არავის უთქვამს ამერიკაში, რომ ეს არის სამართლიანობის დარღვევა. პროკურატურამ უთხრა, რომ თუ გინდა რომ ციხეში არ იჯდე, დაიწყე ფულის მოტანა. 400 მილიონი დოლარი პროკურატურის დავალებით მიიტანა“, განაცხადა მიხეილ სააკაშვილმა.