საქართველოს შოთა რუსთაველის თეატრისა და კინოს სახელმწიფო უნივერსიტეტის პროფესორი, რეჟისორი გიორგი შალუტაშვილი „ქართუს“ ქველმოქმედების თემაზე სოციალური ქსელებით გავრცელებულ ინფორმაციას ეხმაურება.
გიორგი შალუტაშვილი აცხადებს, რომ ზოგადად, არ არის მკვეთრი განცხადების წინააღმდეგი, მაგრამ შეუძლებელია, ნორმალურ ადამიანს არ ესმოდეს თუ რას საქმიანობს ეს ფონდი.
„ეს ის შემთხვევაა, როგორ უნდა მეცენატობდეს ყველა ბიზნესმენი და კომპანია. ეს სრულად მიღებული პრაქტიკაა დასავლეთში და როგორ შეიძლება სხვანაირად შეფასდეს ეს ქველმოქმედება. ერთმნიშვნელოვნად გეუბნებით, რომ ეს არის მისაბაძი ინიციატივა“, აცხადებს შალუტაშვილი.
რაც შეეხება ქართული კულტურისთვის გაკეთებულ ღვაწლს, გიორგი შალუტაშვილი ამბობს - რომ არ ყოფილიყო ფონდი „ქართუ“, თეატრალური უნივერსიტეტის ინფრასტრუქტურა პრატიკულად აღარ იქნებოდა.
„უბრალოდ, თეატრები აღარ იარსებებდნენ. ოპერის თეატრით დაწყებული, რეგიონული თეატრებით გაგრძელებული ყველფერი ფონდ „ქართუს“ გაკეთებულია და თან რასაც ფონდი ეხება, ყველაფერი კეთდება ხარისხიანად“, აცხადებს შალუტაშვილი.
საქართველოს შოთა რუსთაველის თეატრისა და კინოს სახელმწიფო უნივერსიტეტის პროფესორი ასევე გამოეხმაურა „ნაციონალური მოძრაობის“ განცხადებას მოქალაქეებისთვის საბანკო დავალიანებების ჩამოწერის თაობაზე.
„ეს არის დახმარება, რომელზეც არჩევნებამდე დიდი ხნით ადრე მიდიოდი საუბარი. „ნაციონალური მოძრაობის" სამარცხვინო პროპაგანდაზე კომენტარი ზედმეტია. სამწუხაროდ, ეს არის ჯგუფი, რომელსაც ძალაუფლების გარდა არაფერი აინტერსებს. ხალხს ასეთი დახმარება გაეწია, მილიარდ ნახევარი ლარი ჩამოწერა გადახდისუუნარო მოქალაქებს და ამას როგორ შეიძლება ამას მოსყიდვა უწოდო. რა შუაშია არჩევნები, ფონდი მთელი თავისი არსებობის მანძილზე ქველმოქმედებითაა დაკავებული. რად უნდა ამას „ნაციონალი“ და რაციონალი, რაც ფონდმა „ქართუმ“ გააკეთა 600 ათას ადამიანის სასარგებლოდ და მათი პრობლემების მოსაგვარებლად. არსებობს ბევრად უფრო მაღალი იდეალები, ვიდრე ძალაუფლებისთვის ბრძოლაა. ეს თემა უმადურობის კატეგორიაში გადის. კარგზე ყოველთვის კარგი უნდა ითქვას, ცუდზე კი ცუდი“, აცხადებს საქართველოს შოთა რუსთაველის თეატრისა და კინოს სახელმწიფო უნივერსიტეტის პროფესორი, რეჟისორი გიორგი შალუტაშვილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.