საქართველოს ყოფილმა პრეზიდენტმა, მიხეილ სააკაშვილმა რომში შეკრებილ ქართველ ემიგრანტებს უთხრა, რომ ქვეყანაში ანაკლიის პორტის და სხვა მნიშვნელოვანი პროექტების განხორციელების შემთხვევაში გაჩნდება იმის შესაძლებლობა, რომ ემიგრანტები საქართველოში დაბრუნდნენ და იტალიაში 1 000 ევროს ნაცვლად „სოფელ ლესიჭინეში“ 2 000 ევრო გამოიმუშაონ.
„როცა ეს პროექტები [ანაკლია და სხვა] იქნება, იქნება შესაძლებლობა რომ თქვენ დაბრუნდეთ იმიტომ, რომ იტალიაში 1 000 ევროს მიღებას ჯობია 2 000 ევროს მიღება სოფელ ლესიჭინეში, რომელიც ცხოვრობს მაგალითად 90 კილომეტრში. აი, ძალიან მარტივია ამის ახსნა და გაკეთება ხომ?.. უყალიბებენ მითებს. ბელადომანია, სააკაშვილი, ბლა, ბლა, ბლაა. სააკაშვილი ჩამოვა ისევ. ხელისუფლება ენატრება რომ სისხლიანი მოაჯდეს ყველაფერს. მინდა გითხრათ, რომ არა მხოლოდ არ მენატრება ხელისუფლება, მე როგორც ვცხოვრობ ყველას შეუძლია ნახვა. 19 მილიარდი შემომეხარჯა. თან ახლა 19 მილიარდი მაშინ რომ წამოვიღე და მოვიპარე და დღეს 19 მილიარდი, ერთი და იგივეა? სულ გაუფასურდა დოლარი... მაგრამ სინამდვილე არის სხვა. ჩვენ უნდა გადავცეთ ხელისუფლება ქართველ ხალხს, რომელიც არის ბევრად უფრო ბრძენი იმიტომ, რომ თქვენ ხართ. იმიტომ, რომ ეს მილიონი ადამიანი, რომლილც გამოვიდა, იმან მიიღო ისეთი უნიკალური გამოცდილება, მე ამას ვლაპარაკობ, როგორც არაერთხელ ემიგრაციაში ნამყოფი ადამინი, როგორც სტუდენტი, ბოლოს და ბოლოს უკრაინაში ვსწავლობდი თავიდან, მერე ამერიკაში, სარდაფში ვცხოვრობდით. სარდაფში ვცხოვრობდი, სარკმელი ჰქონდა პატარა და რეალურად მშიოდა. მე ეს ყველაფერი გამოცდილი მაქვს და ვიცი რაზეა საუბარი. ჩვენ გვაქვს ეს გამოცდილება, რაც არის რეალურ ეკონიმიკაში და არავითარი ილუზია არ უნდა გვქონდეს სხვა ქვეყნების. სხვა ქვეყნები გვაჭმევს, მაგრამ სხვა ქვეყნებიც არ არის იდეალური. აქ არის ძალიან ბევრი პრობლემა და მე ბოლო წლებში საქართველოში ყველაფერს ვნერგავდი იმას, რაც აქ არასწორია და არაფერი არ მაკვირვებდა აქ. მე მაგალითად ძალიან მიხაროდა, რომ მონაკოს პრინცი ბათუმში დილის 6 საათამდე პიაცადან ვერ ავაძვრინე. ადრე ჩვენ მონაკოში დავდიოდით, სინამდვილეში ბათუმი მონაკოზე მაგარია“, განაცხადა მიხეილ სააკაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.