წალკის და დმანისის მაჟორიტარი დეპუტატი კახაბერ ოქრიაშვილი „ქართული ოცნების“ ერთადერთი პარლამენტარია, რომელმაც საარჩევნო სისტემაში შესატან საკონსტიტუციო ცვლილებებს პარლამენტში პირველი მოსმენით კენჭისყრისას მხარი არ დაუჭირა. როგორც მან კენჭისყრამდე ჟურნალისტებს უთხრა, მოსახლეობა მხარდაჭერას არ გამოუცხადებს იმ მაჟორიტარობის კანდიდატებს, „ვინც დღეს მიაჭერს მწვანე ღილაკს“ და ხალხს არჩევანის გაკეთების საშუალებას წაართმევს.
„ძალიან მაინტერესებს, დღეს ვინც მისცემს ხმას იმას, რომ მოსახლეობას თავისი მაჟორიტარი დეპუტატი არ ჰყავდეს, როგორ უნდა სთხოვოს მოსახლეობას იმ მაჟორიტარმა, რომ დამიჭირეთ მხარიო. ვერ დაუჭერს მოსახლეობა მხარს. ვერ დაუჭერს მოსახლეობა მხარს იმ მაჟორიტარ კანდიდატებს, ვინც დღეს მიაჭერს მწვანე ღილაკს და გააუქმებს მოსახლეობას ამ პრეროგატივას“, განაცხადა პარლამენტის ფრაქცია „ქართული ოცნება-რეგიონების განვითარებისთვის“ თავმჯდომარემ, კახაბერ ოქრიაშვილმა.
საქართველოს პარლამენტმა საკონსტიტუციო ცვლილებებს პირველი მოსმენით მხარი დაუჭირა - 136 ხმით 5-ის წინააღმდეგ. რეგისტრაცია 142-მა დეპუტატმა გაიარა.
საარჩევნო სისტემაში შეტანილი ცვლილების თანახმად, 2020 წლის საპარლამენტო არჩევნები ჩატარდება 120/30 პროპორციით. 120 მანდატი პროპორციული - პარტიული სიით გადანაწილდება, ხოლო 30 მაჟორიტარული.
კენჭისყრაში მონაწილეობა არ მიუღია „ერთიან ნაციონალურ მოძრაობას“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.