„ევროპული საქართველოს“ აქტიური მხარდამჭერი, „ტაბულას“ დირექტორი თამარ ჩერგოლეიშვილი აცხადებს, რომ ალეკო ელისაშვილი „პარლამენტში შეძრომაზე“ ფიქრობს და ის „ივანიშვილის მიგდებულ ნამცეცებზეც თანახმაა“.
„ალეკო ელისაშვილი საბოტაჟს უწოდებს ბოკერიას პარტიის ლეგიტიმურ სურვილს - ინფორმაცია მიაწოდონ ამომრჩეველს, ამომრჩევლისთვის უმნიშვნელოვანეს თემაზე - ამომრჩევლის მიერ მინიჭებულ მანდატზე.
ამომრჩევლის ინფორმირების სურვილი არის საბოტაჟი - ალეკო ელისაშვილისთვის.
ვის რაში სჭირდება კულუარული ინფორმაცია?
ელისაშვილის საჯარო განცხადებაც ხომ საკმარისია იმის მისახვედრად, რომ ამ კაცს დასამალი აქვს?
დასამალი კი ისაა, რომ პარლამენტში შესვლა ისე უნდა, ივანიშვილის მიგდებულ ნამცეცებზეც თანახმაა და გასაჯაროებას ერიდება.
ბოკერიას პარტია ამომრჩევლის ინტერესებზე ფიქრობს - ამომრჩევლის ინფორმირებაზე.
ალეკო ელისაშვილი - პარლამენტში შეძრომაზე“, წერს სოციალურ ქსელში ჩერგოლეიშვილი.
იგი „ფეისბუქში“ ელისაშვილზე მეორე განცხადებასაც აქვეყნებს, სადაც ამბობს:
„ელისაშვილის შესვლა ელისაშვილს ოცნების ნაწილად აქცევს. მისი ოპოზიციური ერთი პროცენტი - რეალურ ოპოზიციაზე გადანაწილდება.
ოპოზიციისთვის ეს ბწკენა იქნება - თუმცა კონკურენტი მოაკლდება.
ოცნებისთვის - „ხალასტოი“. ერთპარტიულობის იარლიკს მაინც ვერ მოიშორებს, როგორც 2008 წელს ვერ მოიშორა ენმ-მ.
ელისაშვილისთვის - პოლიტიკური კარიერის დასასრული, რაც ცუდი შედეგი სულაც არაა იმის გათვალისწინებით, რომ რაც ნაკლები იპოპულისტებს, მით უკეთესი“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.