საფრანგეთის განვითარების სააგენტო (AFD) თბილისში სატრანსპორტო პოლიტიკის ექსპერტებს მოავლენს, რომლებიც დედაქალაქისთვის ერთი წლის განმავლობაში სრულიად უსასყიდლოდ იმუშავებენ.
ამის შესახებ თბილისის მერის კახა კალაძისა და AFD-ის გენერალური დირექტორის მოადგილის ბერტრან ვალკენერის შეხვედრის შემდეგ გახდა ცნობილი.
კახა კალაძემ მადლობა გადაუხადა AFD-ის თანამშრომლობისთვის, რაც თბილისში მიმდინარე პროექტების მხარდაჭერაში გამოიხატება.
შეხვედრაზე საუბარი შეეხო საფრანგეთის განვითარების სააგენტოს მხრიდან ორი უმნიშვნელოვანესი პროექტის დაფინანსებას, რომელთაგან ერთ-ერთი ტრანსპორტის ექსპერტიზის მიმართულებას მოიცავს, მეორე კი თბილისის სანიაღვრე ქსელების მოწესრიგებას.
კერძოდ, საფრანგეთის განვითარების სააგენტო თბილისში, ერთი წლის განმავლობაში, მოავლენს მაღალკვალიფიციურ ექსპერტებს ტრასპორტის პოლიტიკის კუთხით, რომლებიც ტრანსპორტის საქალაქო სამსახურს დაეხმარებიან, როგორც კვალიფიკაციის ამაღლებაში, ისევე ცალკეული პროექტების დაპროექტებაში სატრანსპორტო ინფრასტრუქტურისა და დიზაინის კუთხით. ექსპერტები ასევე აქტიურად იქნებიან ჩართულები სატრანსპორტო გენერალური გეგმის განხორციელების პროცესში, რაც თავის მხრივ, ფინანსდება აზიის განვითარების ბანკის მხრიდან.
გარდა ამისა, საფრანგეთის განვითარების სააგენტო დააფინანსებს თბილისში სანიაღვრე ქსელის კვლევას და ჩაერთვებიან მრავალწლიანი გეგმის შემუშავებაში, რათა წყალმოვარდნების შემთხვევაში, თავიდან იქნეს აცილებული ქუჩებისა და სახლების დატბორვის საფრთხე, მოეწყოს წინასწარი ადრეული შეტყობინების სისტემები და სწორად დაიგეგმოს შესაბამისი ინფრასტრუქტურული სამუშაოები.
„საფრანგეთის განვითარების სააგენტოსთან ძალიან მნიშვნელოვანი შეხვედრა გაიმართა. მათი მხრიდან დაფინანსდება ორი უმნიშვნელოვანესი პროექტი, ერთი ტრანსპორტის ექსპერტიზის, მეორე კი - სანიაღვრე და საკანალიზაციო ქსელების მოწესრიგების მიმართულებით. ვფიქრობთ, მომავალში უფრო აქტიური იქნება თანამშრომლობა, რომელიც ექსპერტიზაზე და საუკეთესო გამოცდილების გაზიარებაზე იქნება ორიენტირებული“, - განაცხადა მერის მოადგილე მაია ბითაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.