საქართველოს თავდაცვის მინისტრმა ირაკლი ღარიბაშვილმა ბულგარეთის რესპუბლიკის საგანგებო და სრულუფლებიან ელჩს დესისლავა ივანოვას თავდაცვის სამინისტროში უმასპინძლა.
გაცნობითი ხასიათის შეხვედრაზე ირაკლი ღარიბაშვილმა დესისლავა ივანოვას ბულგარეთის მთავრობის მიერ საქართველოს სუვერენიტეტის, ტერიტორიული მთლიანობისა და ევროატლანტიკურ სივრცეში გაწევრიანების მხარდაჭერისთვის, ასევე ევროკავშირის სადამკვირვებლო მისიაში (EUMM) ბულგარეთის აქტიური ჩართულობის გამო მადლობა გადაუხადა. საუბარი ნატოში გაწევრიანების თვალსაზრისით თავდაცვის ძალებში გატარებულ რეფორმებს და მრავალეროვნულ სწავლებებში ერთობლივ მონაწილეობას შეეხო.
საუბრის ძირითადი თემატიკა ნატო-საქართველოს არსებითი პაკეტის (SNGP) განხორციელების პროცესში საქართველოს მიღწეულ პროგრესს, თავდაცვის სფეროში ორმხრივ თანამშრომლობასა და სამომავლო განვითარების პერსპექტივებს შეეხო.
შეხვედრას ბულგარეთის თავდაცვის ატაშე, ვიცე-პოლკოვნიკი მარიან ზაგორსკი დაესწრო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.