გლდანის რაიონის გამგეობის ინფრასტრუქტურული პროექტების ფარგლებში, ჯანსაღი ცხოვრების ხელშეწყობის მიზნით, ფიტნეს ზონები ეწყობა.
წელს, გლდანის რაიონის გამგეობამ ჯამში, ფიტნეს ზონები 16 მისამართზე განათავსა, რისთვისაც გამგეობის ბიუჯეტიდან 219 983 ლარი დაიხარჯა. მათ შორის, პირველ ეტაპზე, შესაბამისი სამუშაოები შვიდ მისამართზე განხორციელდა, მეორე ეტაპზე კი - ცხრა მისამართზე.
სამუშაოების შედეგად, სხვადასხვა დატვირთვის 10 სავარჯიშო ტრენაჟორი შემდეგ მისამართებზე განთავსდა: მუხიანის 4ბ მიკრორაიონის N42 და N43 კორპუსებს შორის, მუხიანის მესამე მიკრორაიონის N5-6 კორპუსების მიმდებარედ, ასევე, მუხიანის მეორე მიკრორაიონის N 10-14 კორპუსებთან, გლდანის მეოთხე მიკროს N 105 კორპუსის მიმდებარედ სკვერთან, გლდანის პირველი მიკრორაიონის N1 და N2 კორპუსებს შორის, გლდანის მეხუთე მიკრორაიონის N13 კორპუსის მიმდებარედ და გლდანის მეშვიდე მიკრორაიონის N25-26 კორპუსებთან.
გლდანის მესამე მიკრორაიონის N86 კორპუსის მიმდებარე სკვერთან და მუხიანის მესამე მიკრორაიონის N10-14 კორპუსებთან კი, ფიტნეს სივრცეში რამდენიმე დატვირთვის ტრენაჟორი დამონტაჟდა.
ცხრა მისამართზე დასრულებული სამუშაოებისთვის, რომელიც ტენდერში გამარჯვებულმა შპს “ჯეო პარკმა“ განახორციელა, გამგეობის ბიუჯეტიდან 125 840 ლარი დაიხარჯა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.