ცენტრალური საარჩევნო კომისია თბილისის მაჟორიტარი დეპუტატობის კანდიდატების წინასწარ მონაცემებს აქვეყნებს, რომელიც 3 847 საარჩევნო უბნის აბსოლუტურ უმრავლესობას - 3 838 უბნის შედეგებს ასახავს - 99.77%-ს.

ამ მონაცემების თანახმად, თბილისის 8 მაჟორიტარული საარჩევნო ოლქიდან 7-ში „ქართული ოცნების“ კანდიდატები ლიდერობენ. გამონაკლისია გლდანის რაიონი, სადაც მმართველი პარტიის კანდიდატს, ლევან კობიაშვილს „ნაციონალური მოძრაობის“ კანდიდატი ნიკანორ მელია უსწრებს.

თუმცა, აღსანიშნავია, რომ  ვერც ერთ ოლქში ვერც ერთმა კანდიდატმა ვერ მოახერხა ხმების 50%-ზე მეტის მიღება,აქედან გამომდინარე, თბილისის 8-ვე მაჟორიტარულ ოლქში მე-2 ტური გაიმართება.

ვინ გაიყო პირველი და მეორე ადგილები თბილისში?

მთაწმინდისა და კრწანისის რაიონები

„ქართული ოცნება“ ბექა ოდიშარია – 44,81%, (21 690 ხმა) „ევროპული საქართველო“

შალვა შავგულიძე – 29,45%; (14 254 ხმა);

ვაკის რაიონი

„ქართული ოცნება“ ნოდარ ტურძელაძე – 42,24%, (25 333 ხმა) „ევროპული საქართველო“ ელენე ხოშტარია – 35.55%; (21 320 ხმა);

საბურთალოს რაიონი

„ქართული ოცნება“ დავით სერგეენკო 43.23%, (31 459 ხმა)

„ალეკო ელისაშვილი-მოქალაქეები“ ალეკო ელისაშვილი – 19,16%; (13 940 ხმა);

ისნის რაიონი

„ქართული ოცნება“ კახა კახიშვილი – 46.73%,(24 834 ხმა)

„ნაციონალური მოძრაობა – ძალა ერთობაშია“ ხატია დეკანოიძე – 27,24%; (14 475 ხმა) ;

სამგორის რაიონი

„ქართული ოცნება“ სოზარ სუბარი 45,87%, (32 199 ხმა)

 „ნაციონალური მოძრაობა – ძალა ერთობაშია“ ლევან ხაბეიშვილი – 39,18%; (27 505);

დიდუბისა და ჩუღურეთის რაიონები

„ქართული ოცნება“ გიორგი ვოლსკი 42,74%, (29 403 ხმა)

 დამოუკიდებელი კანდიდატი ანა დოლიძე 20,99%; (14 437 ხმა);

ნაძალადევის რაიონი

„ქართული ოცნება“ მიხეილ ყაველაშვილი – 43,76%, (28 584 ხმა)

„ლეიბორისტული პარტია“ შალვა ნათელაშვილი – 25,01% (16 339 ხმა)

გლდანის რაიონი

„ნაციონალური მოძრაობა – ძალა ერთობაშია“ ნიკანორი მელია – 43,844%; (30 767 ხმა)

„ქართული ოცნება“ – ლევან კობიაშვილი 42,73%. (29 990 ხმა).