ქართული საზოგადოების დიდი ნაწილის ავადმყოფური ფსიქიკა, ინტელექტუალური დაუძლურება, პიროვნული ღირსების დაკარგვა, პატრონყმური მენტალობის დონეზე გაჩხერა აშკარად გამოჩნდა ბიძინა ივანიშვილის პოლიტიკიდან წასვლის განცხადებასთან დამოკიდებულებაში...

პოლიტიკიდან წასვლა მისი გონიერი გადაწყვეტილება იყო!

უაზრო და არაგონივრული მისი პოლიტიკაში მოსვლის გადაწყვეტილება იყო, რადგან ადამიანმა არ შეიძლება მოკიდო ისეთ საქმეს ხელი, რომლის პროფესიული მხარე, პროფესიის კონტექსტები ყველა უჯრედით ნაგრძნობი არა გაქვს და არ ცხოვრობ ამ საქმიანობით - სულიერად და ფიზიკურად!

მას არაფერი ჰქონდა ამის მსგავსი!

მას აქვს ფანტასტიკური მატერიალური შესაძლებლობა!

არის უდიდესი ქველმოქმედი?!

ძალიან კარგი, მაგრამ რა კავშირიშია ქველმოქმედება პოლიტიკურ საქმიანობასთან და პოლიტიკურ შედეგებთან?

რა მოშლილიც იყო ქართული სახელმწიფო, ისეთივე მოშლილია!

ინსტიტუტები არ ფუქნციონერებს შესაბამისად, პოლიტიკური ცხოვრება სრულად პარალიზებულია!

საერთოდ საღაციდან მოყვანილი ადამიანები, რომლებსაც უდიდეს სახელმწიფო თანამდებობამდე პოლიტიკურ ცხოვრებაში 2-3 თვეც კი არაფერი გაუკეთებიათ, არ უშრომიათ, არ მიუღიათ გადაწყვეტილება, არ უჩვენებიათ, შეუძლიათ თუ არა ხალხთან ურთიერთობა, -მოიყვანა და ურთულეს დროს სახელმწიფოში ხელისუფლება ჩააბარა!

ამას დიდი უპასუხისმგებლობის ადამიანი თუ გააკეთებდა! „შუა უნდა გაიკრიფოსო“ - 8 წელი „ნაციონალური მოძრაობის“ პროპაგანდა გასწია თავისი ე.წ. პარტიით და მოამზადა ნიადაგი პოლიტიკური ცხოვრების კიდევ უფრო ჩიხში შესაყვანად და...

ეს საცოდავი ადამიანები რამდენიმე დღეა რაღაც უბადრუკ განცხადებებს აკეთებენ, ამცირებენ საკუთარ თავს საჯაროდ, რადგან მათხოვრული სულის გამოვლინება ადამიანს ყველაზე მეტად აკნინებს და ზეზეულად ანადგურებს!

ქართველები ან გამოერკვევიან ამ საცოდავი მდგომარეობიდან, ანდა მალე იმას მიიღებენ რაც გარდაუვალია - გონებადამთხვეულ ადამიანებს ამ ფანტასტიკურ ქვეყანას არავინ დაუტოვებს და ეს ხალხის მხარდაჭერილი ე.წ. პოლიტიკოსები ამ პროცესს ძალიან შეუწყობენ ხელს.

სხვისმსახურებით სახელმწიფო არ იმართება და სხვისმსახურებას არ მოაქვს პროგრესი!

დემურ გიორხელიძე,

ანალიტიკოსი,

წყარო: Facebook-ი