მოლდოვაში, საპრეზიდენტო არჩევნების მეორე ტურში ამ ეტაპზე ხმების 98.06 პროცენტია დათვლილი და ქვეყნის ცენტრალური საარჩევნო კომისიის შედეგების მიხედვით, არჩევნებში მოქმედი პრეზიდენტი მაია სანდუ იმარჯვებს - ხმათა 54.47 პროცენტით, მის კონკურენტს, ალექსანდრე სტოიანოგლოს კი, ხმათა 45.53 პროცენტი აქვს მიღებული.
ბიულეტენები სრულადაა დათვლილი მოლდოვის ტერიტორიაზე, სადაც ამომრჩევლების უმრავლესობამ მხარი ალექსანდრე სტოიანოგლოს დაუჭირა. მან ხმების 51,19 პროცენტი მიიღო, სანდუმ კი 48,81 პროცენტი, თუმცა არჩევნების საერთო შედეგზე გარდამტეხი როლი ითამაშა ქვეყნის საზღვრებს გარეთ გახსნილ უბნებზე სანდუსადმი გამოხატულმა მაღალმა მხარდაჭერამ, რამაც მოლდოვის მოქმედი პრეზიდენტის გამარჯვება უზრუნველყო.
საზღვარგარეთ გახსნილი უბნების 81.82 პროცენტზე დათვლილი ხმების მონაცემებით, სანდუმ 81.89 პროცენტი მიიღო, ხოლო სტოიანოგლომ – 18.11 პროცენტი. ჯერჯერობით არ გამოქვეყნებულა აშშ-ისა და კანადის კენჭისყრის შედეგები.
საერთო ჯამში, საარჩევნო აქტივობამ 54.2 პროცენტი შეადგინა, რაც 1.69 მილიონ ამომრჩეველს შეადგენს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.