მესტიის საავადმყოფოში, რომელიც საქართველოს პრემიერ მინისტრის და ჯანმრთელობისა და სოციალური დაცვის სამინისტროს ხელმძღვანელობის ჩარევის შედეგად კერძო კომპანიისაგან იქნა გამოსყიდული, ამ დღეებში პირველი ლაპაროსკოპიული, უსისხლო ოპერაცია ჩატარდება, განუცხადა GUARDIAN.GE-ს მესტიის მუნიციპალიტეტის მერმა, კაპიტონ ჟორჟოლიანმა.
„ჩვენდა საბედნიეროდ, ჯანდაცვის მინისტრისა და პრემიერის ჩარევით, გადმოგვეცა საავადმყოფო, რომელიც კერძო კომპანიის მფლობელობაში იყო და სახელმწიფომ გამოისყიდა, გადმოგვცა მმართველობაში. ჩვენ თბილისიდან ჩამოვიყვანეთ პროფესორი, ბატონი თენგიზ ჩართოლანი, რომელიც შემიძლია გითხრათ, რომ წარმოადგენს ლაპაროსკოპიის მამას. ვიყიდეთ ლაპაროსკოპიის აპარატი და ამ კვირაში გაკეთდება პირველი ლაპაროსკოპიული, უსისხლო ოპერაცია ჩვენთან, სვანეთში. მანამდე აქ ასეთი ოპერაცია არ გაკეთებულა“, უთხრა GUARDIAN.GE-ს კაპიტონ ჟორჟოლიანმა.
მისივე თქმით, მნიშვნელოვანია ტურისტულად დატვირთულ მუნიციპალიტეტს, როგორც ადგილობრივი მოსახლეობისთვის, ისე ქართველი თუ უცხოელი სტუმრებისთვის, ყველა მიმართულებით გააჩნდეს ჯანდაცვის ხელმისაწვდომი მომსახურება, განსაკუთრებით კი, ზამთრის სეზონიდან გამომდინარე, აუცილებელია ტრავმატოლოგიური კუთხით აქცენტის გაკეთება.
„ზამთრის სეზონიდან გამომდინარე, ჩამოგვყავს ორი ტრავმატოლოგი, რომ საჭიროების შემთხვევაში ადგილზე შევძლოთ დახმარების აღმოჩენა ადამიანებისთვის. მაქსიმალურად ვცდილობთ, რომ აქვე იყოს ხელმისაწვდომი სხვადასხვა ტიპის ჯანდაცვა“, განაცხადა მესტიის მერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.