საქართველოს თავდაცვის სამინისტროს სტრატეგიული კომუნიკაციებისა და საზოგადოებასთან ურთიერთობის დეპარტამენტის ორგანიზებით მედიასწავლება „ღირსეული პასუხი 2021“ დაიწყო.
სწავლება სენაკში, მე-2 ქვეით ბრიგადაში უკვე მეოთხედ ტარდება და მასში 16 მოქმედი და მომავალი ჟურნალისტი, ფოტოგრაფი და ოპერატორი მონაწილეობს. წლევანდელ სწავლებაში პირველად არიან ჩართული ბრიტანელი დამკვირვებლებიც. პრაქტიკული ნაწილში მედიის წარმომადგენლები ასევე, პირველად გამოიყენებენ ლაზერული ზემოქმედების მრავალჯერად ინტეგრირებულ სისტემას MILES, რაც საწვრთნელი გარემოს ჩამოყალიბების აუცილებელ კომპონენტს წარმოადგენს და რეალური საბრძოლო მომზადების გაუმჯობესებისთვის გამოიყენება.
„ღირსეული პასუხი 2021“-ის მონაწილეებს მასპინძელი ბრიგადის მეთაური, ვიცე-პოლკოვნიკი ირაკლი ჭითანავა მიესალმა და სამხედრო-სამოქალაქო თანამშრომლობის მნიშვნელობაზე, ასევე სამხედროებისთვის ამოცანის შესრულების პროცესში მედიის მხარდაჭერაზე გაამახვილა ყურადღება. „ღირსეული პასუხის“ მიზანი
მედიის წარმომადგენლებისთვის იმ უნარ-ჩვევების გამომუშავებაა, რაც მათ ჰიბრიდული გამოწვევების პირობებში და კრიზისული მდგომარეობის დროს პროფესიული საქმიანობის ეფექტიანად განხორციელებაში შეუწყობს ხელს.
სწავლება ძირითადად, კრიზისულ და საომარ ვითარებაში პრაქტიკული ნაწილით არის დატვირთული, რომლის ფარგლებშიც მედიის წარმომადგენლებს რეალობასთან მაქსიმალურად მიახლოებულ გარემოში თეორიული ცოდნის პრაქტიკაში გამოყენება მოუწევთ. „ღირსეული პასუხის“ წარმატებით განხორციელებაში საქართველოს თავდაცვის ძალების სხვადახვა ქვედანაყოფია ჩართული, რომლებიც მედიის წარმომადგენლებს თეორიულ და პრაქტიკულ მეცადინეობებს ჩაუტარებენ. მათ შორისაა საზოგადოებასთან ურთიერთობა საბრძოლო მოქმედებებში, პირველადი სამედიცინო დახმარება საველე პირობებში, სტრესის მართვა, თვითგადარჩენა საველე პირობებში, ფეთქებადსაშიშ ტერიტორიაზე მუშაობის პრინციპები და უსაფრთხოების ზომები, კიბერუსაფრთხოება, ასევე საინფორმაციო ზეგავლენის ოპერაციები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.