საქართველოს პრემიერ-მინისტრის, გიორგი კვირიკაშვილის განცხადებით, აშშ-ის სახელმწიფო მდივნის ვიზიტი საქართველოში, ეს არის ორი ქვეყნის მაღალი დონის აქტიური სტრატეგიული თანამშრომლობის და პარტნიორობის ნათელი დადასტურება.
ამის შესახებ საქართველოს მთავრობის მეთაურმა აშშ-საქართველოს სტრატეგიული ქარტიის პლენარული სხდომის დასრულების შემდეგ, აშშ-ის სახელმწიფო მდივანთან, ჯონ ქერისთან ერთად გამართულ პრესკონფერენციაზე განაცხადა.
მისი თქმით, საქართველოში ჯონ ქერის ვიზიტი ნატო-ს ვარშავის სამიტის წინ წარმოადგენს ქვეყნის მხარდაჭერას ჩრდილოატლანტიკურ ალიანსში ინტეგრაციის გზაზე.
პრემიერის თქმით, შეხვედრაზე სტრატეგიული პარტნიორობის მნიშვნელოვანი საკითხები განიხილეს, ასევე, შეაჯამეს აშშ-საქართველოს სტრატეგიული ქარტიის ფარგლებში მიმდინარე წელს ჩატარებული სამუშაო ჯგუფების საქმიანობა ეკონომიკის, ვაჭრობის ენერგეტიკის ასევე დემოკრატიის და მმართველობის მიმართულებით.
„დავსახეთ წლის ბოლომდე დაგეგმილი თავდაცვის და უსაფრთხოების ასევე, ხალხთაშორისი ურთიერთოების და კულტურული გაცვლების სამუშაო ჯგუფების საქმიანობის პრიორიტეტები“,-განაცხადა პრემიერმა და აღნიშნა, რომ ჯონ ქერის დღევანდელმა ვიზიტმა კონკრეტული შედეგები მოიტანა ორმხირივი ურთიერთობის გაღრმავების თვალსაზრისით.
„კერძოდ კი ხელი მოვაწერეთ მეტად მნიშვნელოვან დოკუმენტს საქართველოსა და აშშ-ს შორის თავდაცვის და უსაფრთხოების სფეროში პარტნიორობის გაღრმავების შესახებ. მემორანდუმი ქმნის პარტნიორობის გაღრმავების სრულიად ახლა ჩარჩოს და მოიცავს თანამშრომლობის იმ სფეროებს რომელიც კრიტიკულია საქართველოს უსაფრთხოების გაძლიერების და თავდაცვისუნარიანობის ამაღლებისთვის.
აღსანიშნავია კიდევ ერთი მნიშვნელოვანი დოკუმენტის ხელმოწერა, რომელიც აშშ-სა და საქართველოს შორის საგანმანათლებლო თანამშრომლობას ეხება. კერძოდ კი გაცვლითი პროგრამის გაფართოების მიმართულებას. აღნიშნულის შედეგად, უფრო მეტ ქართველ სტუდენტს და მკვლევარს შეეძლება გახდეს პროგრამის სტიპედიანტი“,-განაცხადა კვირიკაშივლმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.