ჩინეთის პრეზიდენტი ქსი ძინპინგი, მას შემდეგ რაც 2013 წელს ქვეყნის ლიდერი გახდა, ბრიტანეთის მიერ ჰონკონგის ჩინეთისთვის გადაცემის 20 წლისთავის აღსანიშნავად, ჰონკონგში პირველად ჩავიდა.
როგორც BBC იუწყება, მისი მაღალი დონის სიმბოლური ვიზიტი მზარდად დაძაბული პოლიტიკური კლიმატის ფონზე წარიმართება, რადგანაც ოფიციალური სადღესასწაულო ღონისძიებების გარდა, პრო-დემოკრატიული და პრო-პეკინის ჯგუფების მიერ ფართომასშტაბიანი დემონსტრაციების გამართვაა დაგეგმილი, რამდენიმე კარგად ცნობილი აქტივისტი კი ძინპინგის ვიზიტის წინა დღეს იქნა დაპატიმრებული.
ძინპინგი მის მეუღლესთან, პენგ ლიუანთან ერთად ჰონკონგში სამდღიან ვიზიტად ჩავიდა. მათ ქალაქის მთავარ, ლაპ კოკის აეროპორტში მუსიკალური ჯგუფის მარშირებით დახვდნენ, ბავშვები კი საპატიო სტუმრებს დროშების ფრიალით შეეგებნენ.
მოკლე სიტყვაში, ჩინეთის პრეზიდენტმა თქვა: ჰონკონგი „ყოველთვის ჩემს გულშია“.
ჩინეთის ცენტრალური ხელისუფლება „ყოველთვის მძლავრი მხარდამჭერია ჰონკონგის“ და „როგორც ყოველთვის, მომავალშიც მხარს დაუჭერს ჰონკონგის ეკონომიკურ განვითარებას და ხალხის ცხოვრების დონის გაუმჯობესებას“, განაცხადა მან.
პრეზიდენტმა ასევე თქვა, რომ პეკინს „სურვილი აქვს იმუშაოს ჰონკონგის საზოგადეობის ყველა სექტორთან, რათა შენარჩუნებულ იქნეს ჰონკონგის ბოლო 20 წლის განსაცვიფრებელი მოგზაურობა“ და „გარანტიას იძლევა, რომ სტაბილურად გაგრძელდება ‘ერთი ქვეყანა, ორი სისტემის“ არსებობის პრინციპი.
ჰონკონგი ბრიტანელებმა ჩინეთს 1997 წელს დაუბრუნეს. პეკინი დათანხმდა, რომ ემართა ის „ერთი ქვეყნის, ორი სისტემის“ ქვეშ, მიანიჭა რა ქალაქს თავისი ლეგალური სისტემა, შეზღუდული დემოკრატია მრავალი პოლიტიკური პარტიით, და ასამბლეის თავისუფლების და თავისუფალი პრესის უფლებები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.