საქართველოს პარლამენტში „მინისტრის საათის“ ფორმატში გამოსვლისას, ირაკლი ღარიბაშვილმა ყურადღება კიდევ ერთ მნიშვნელოვან ინიციატივაზე, უმაღლესი ხარისხის, ნატოს სტანდარტების ეკიპირების უზრუნველყოფაზე გაამახვილა და ხარისხიანი ეკიპირება ერთ-ერთ მთავარ გამოწვევად დაასახელა.
„თავდაცვის ძალების 29 წლიანი ისტორიის განმავლობაში პირველად, სამხედროები გერმანული წარმოების, „ლოვასა“ და „ჰაიქსის“ მიერ დამზადებული ზამთრისა და ზაფხულის სამხედრო ფეხსაცმელით სრულად იქნებიან უზრუნველყოფილნი. პროცესი უკვე დაწყებულია და თვის ბოლოს დასრულდება, ხოლო საშემოდგომო და ზამთრის ფეხსაცმელები სექტემბერში შემოვა“.
თავდაცვის მინისტრმა პროდუქციის დაბალ ფასად შესყიდვა წარმატებულ მოლაპარაკებებსა და კონტრაქტის, შუამავლების გარეშე, პირდაპირ მწარმოებლებთან გაფორმებას დაუკავშირა.
ირაკლი ღარიბაშვილმა დეპუტატებს ჯარში უნიფორმების სტანდარტის შეცვლისა და ერთობლივი საწარმოს ჩამოყალიბების მიზნით, საქართველოში მოქმედ ფაბრიკასთან აქტიურად მუშაობის შესახებ ინფორმაცია მიაწოდა: „აქტიურად ვმუშაობთ, „დელტა“ მუშაობს საქართველოში მოქმედ ფაბრიკასთან. ეს კომპანია მაღალი დონის ბრენდებს უწევს მომსახურებას. ამ ეტაპზე, მიმდინარეობს საერთაშორისო აუდიტორული კომპანიის მიერ საწარმოს აქტივებისა და ფინანსური მდგომარეობის შესწავლა. ჩვენი საბოლოო გეგმაა, რომ საწარმომ ქართული წარმოების, მაღალი ხარისხის უნიფორმა, სამხედრო ყოველდღიური, სააღლუმო და ფორმები გამოუშვას“.
როგორც თავდაცვის მინისტრმა აღნიშნა, დღეს ქართველ ჯარისკაცებს მაღალი ხარისხის ქსოვილისგან დამზადებული და ცვეთაგამძლე უნიფორმა აცვიათ, სწორედ იმ ხარისხის, რომლითაც უზრუნველყოფილია ნატოს წევრი ქვეყნების, მათ შორის აშშ-ის ჯარი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.