„ერთიანი ნაციონალური მოძრაობის“ პოლიტიკური საბჭოს თავმჯდომარემ, ნიკა მელიამ განაცხადა, რომ საქართველოში სახელმწიფო ინსტიტუტები წინა ხელისუფლებამ ჩამოაყალიბა, მანამდე კი გავლენები არა მინისტრებს და ხელისუფლებას, არამედ კრიმინალებს და ე.წ. კანონიერ ქურდებს ჰქონდათ.
როგორც მელიამ ტელეკომპანია „კავკასიას“ პირდაპირ ეთერში, გადაცემა „სპექტრში“ სტუმრობისას განაცხადა, დღეს თანამედროვე შაქრო კალაშოვი არის ბიძინა ივანიშვილი, რომელსაც ქუჩებში გამოსული საქართველოს ასეულობით ათასი მოქალაქე „გააგდებს“ თუკი ის სამართლიან არჩევნებს არ ჩაატარებს.
„90-იან წლებში ძალაუფლება ვის ჰქონდა?! - კრიმინალებს ჰქონდა, კანონიერ ქურდებს ჰქონდათ - შაქრო კალაშოვი, ტარიელ ონიანი, ამათ ჰქონდათ გავლენა, აბა შინაგან საქმეთა მინისტრს, კობა ნარჩემაშვილს ჰქონდა გავლენა? ნუ გამაგიჟებთ, და დღეს თანამედროვე შაქრო კალაშოვი არის ბიძინა ივანიშვილი, რომელიც მაფიოზური გაგებით მართავს სახელმწიფოს იმიტომ, რომ მას არანაირი მორალი არ აქვს და არანაირი სახელმწიფოებრივი ხედვა არ აქვს... მე არ მინდა ვიხილო 100 ათასობით საქართველოს მოქალაქე ქუჩაში გამოსული და ისე გაგდებული ბიძინა ივანიშვილი - იქნება, ეს ხალხი თუ ხელი წაუცდება ამ ადამიანს და სამართლიან და თავისუფალ არჩევნებს არ ჩაატარებს, ეს ხალხი გარეთ გამოვა და სადღაც ბოლოში და შუაში არ ვიქნებით ჩვენ, სადღაც მოწინავეთა რიგებში ვიქნებით იმიტომ, რომ პირველ დარტყმას ჩვენ მივიღებთ, მაგრამ სამაგიეროდ, შვილებს და შვილიშვილებს შემოვუნახავთ, როგორც მინიმუმ, შანსს ამ სახელმწიფოს განვითარებისა. დღეს ეს შანსიც კი წართმეული გვაქვს“, განაცხადა ნიკა მელიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.