ბუტა რობაქიძის საქმეზე ბრალდებული გურამ დონაძე სასამართლო სხდომაზე გამოცხადებული შესვენების დროს საქმის პროკურორს დაუპირისპირდა. პროკურორმა განაცხადა, რომ რობაქიძის მკვლელობის ადგილზე გადაღებულ ვიდეოჩანაწერზე FBI-ს შუალედური დასკვნა სასამართლოშია, რომლის მიხედვით, გავრცელებული ჩანაწერი არის მონტაჟი.
პროკურორის ინტერვიუს დროს, მას საუბარში ჩაეჭრა გურამ დონაძე. "თქვენ ხართ მატყუარა და იტყუებით. ასე აგრძელებთ მთელი 9 წელი და დღესაც იტყუებით. არსებობს დასკვნა, სადაც არ წერია სიტყვა მონტაჟი, არსად არ წერია, რომ იქ არის ხელოვნური ჩარევა და იარაღები არის ჩახატული. თქვენ ხართ მატყუარა პროკურორი. დღეს ამირან რობაქიძის მამამ დარბაზში გეძახათ, რომ ცრუ მოწმეები გყავთ და სამსახურებიდან გაგაგდებთო. ამაზე არ საუბრობთ. თქვენ იტყუებით, ბოდიში შემოჭრისთვის. თქვენ ხართ მატყუარა და ასე ატყუებთ საზოგადოებას. დღეს არავითარი სიმართლე არ ითქვა სხდომაზე", - მიმართა პროკურორ დავით ნეფარიძეს გურამ დონაძემ.
მას გამოესარჩლა ე.წ. კორტების სპეცოპერაციის საქმეზე მსჯავრდებული გიორგი ცააძის და ირინა ცააძე. "როგორც სოსო რობაქიძემ გითხრათ, ასე საუბრობდა თქვენს ტყუილებზე იური ვაზაგაშვილი და იმიტომ გააქრეთ ის კაცი, თქვენმა ხელისუფლებამ. ვაზაგაშვილის საქმეზე ყველაფერი მოიტყუეთ და აღარ გამოგივათ არასოდეს. მატყუარებო", - განაცხადა ირინა ცააძემ.
"ეს არის სახელმწიფო ექსპერტიზის დასკვნა, სადაც სიტყვასიტყვით წერია, რომ კადრი გასროლიდან 5 წუთისა და 9 წამის განმავლობაში არის უწყვეტი, სადაც ჯერ კიდევ უბედურად დაღუპული ბუტა რობაქიძე არის ცოცხალი და სუნთქავს. FBI-ს დასკვნა პროკურატურას უნდა მოეცა და არ გვაძლევს. ეს არის სამხარაულის სახელობის ექსპერტიზის დასკვნა, ასევე არსებობს შინაგან საქმეთა სამინისტროს დასკვნა, რუსეთის და უკრაინის დასკვნები, სადაც ერთი და იგივე წერია. საბოლოო დასკვნა არსებობს და ამაზე პროკურორმა ისაუბრა GDS-ის ეთერში. გეყოფათ ტყუილები, სიმართლე თქვით. ადამიანი დაიღუპა უბედურად. იქ იყო იარაღები, მაგრამ არავის უთქვამს, რომ ბუტას ჰქონდა იარაღები", - განაცხადა გურამ დონაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.