საქართველოს პრემიერ მინისტრი გიორგი კვირიკაშვილი ისრაელის ყოფილი პრეზიდენტისა და პრემიერ მინისტრის, შიმონ პერესის გარდაცვალების გამო მწუხარებას გამოთქვამს.
„დიდ მწუხარებას გამოვთქვამ ისრაელის ერთ-ერთი გამორჩეული შვილის, მშვიდობის დარგში ნობელის პრემიის ლაურეატის, ისრაელის ყოფილი პრემიერ–მინისტრისა და პრეზიდენტის, შიმონ პერესის გარდაცვალების გამო.
შიმონ პერესი იყო უაღრესად მნიშვნელოვანი ფიგურა ისრაელის ისტორიაში. მას განსაკუთრებული წვლილი მიუძღვის ისრაელის სახელმწიფოს ჩამოყალიბებაში. თანამედროვე ისრაელი სწორედ მის სახელთან არის დაკავშირებული.
იგი იყო პოლიტიკოსი, რომელმაც კარგად იცოდა მშვიდობის ფასი და დაუღალავად იბრძოდა ადამიანების სიმშვიდისათვის. შიმონ პერესმა მისი მოღვაწეობის შედეგად შექმნა მყარი ფუნდამენტი მშვიდობისა და სტაბილურობის შემდგომი განმტკიცებისთვის ისრაელსა და რეგიონში. ამ რანგის პოლიტიკური ფიგურების არსებობა სულ უფრო მნიშვნელოვანი ხდება თანამედროვე მსოფლიოსათვის და გვჯერა, მისი მემკვიდრეობა იქნება სამაგალითო გამოცდილება მომავალი სახელმწიფო მოღვაწეებისა და ახალი თაობებისთვის. გულწრფელ სამძიმარს ვუცხადებ ჩვენი მეგობარი ქვეყნის – ისრაელის მთავრობასა და ხალხს ამ დიდი დანაკლისის გამო“, - ნათქვამია კვირიკაშვილის სამძიმრის წერილში.
ისრაელის ყოფილი პრემიერ მინისტრი და პრეზიდენტი შიმონ პერესი 93 წლის ასაკში გარდაიცვალა.
ინსულტის გამო იგი თელ-ავივის ახლომდებარედ, საავადმყოფოში ორი კვირის წინათ გადაიყვანეს. 93 წლის პერესი ხელოვნურ სუნთქვაზე ჰყავთ გადაყვანილი, თუმცა მას გონება არ ჰქონდა დაკარგული და საავადმყოფოში მიყვანისას სტაბილურ მდგომარეობაში იმყოფებოდა.
"შიმონ, ჩვენ გვიყვარხარ შენ და მთელი ერი გისურვებს გამოჯანმრთელებას", დაწერა პრემიერ მინისტრმა ბენიამინ ნეთანიაჰუმ "თვითერზე" ორი კვირის წინათ.
პერესი, რომელიც 1948 წელს ისრაელის სახელმწიფოს შექმნის შემდეგ, ახალგაზრდა ქვეყნის პოლიტიკოსთა შორის ბოლო თაობის ერთ–ერთი ყველაზე გამოჩენილი წარმომადგენელი იყო, ორჯერ გახლდათ ისრაელის პრემიერ მინისტრი და ერთხელ პრეზიდენტი.
პერესმა 1994 წელს, პალესტინელებთან 1993 წელს სამშვიდობო შეთანხმების მიღწევაში შეტანილი წვლილისათვის ნობელის პრემია მიიღო.
მან ერთხელ თქვა, რომ პალესტინელები იყვნენ ისრაელის "უახლოესი მეზობლები" და შეიძლება "უახლოესი მეგობრები" გამხდარიყვნენ.
1948 წელს ისრაელის დაარსებიდან მოყოლებული, ვეტერან პოლიტიკოსს თითქმის ყველა მნიშვნელოვანი პოსტი ჰქონდა დაკავებული და იგი იყო ისრაელის საიდუმლო ბირთვული პროგრამის არქიტექტორი.
იგი ორჯერ იყო პრემიერ მინისტრი, ხოლო 2007 წლიდან 2014 წლამდე ქვეყნის პრეზიდენტი.
მისი ასაკის მიუხედავად, იგი აქტიურ საზოგადოებრივ ცხოვრებას ინარჩუნებდა, ძირითადად კი პალესტინასა და ისრაელს შორის ახლო ურთიერთობების დამყარების მიზნით შექმნილი არასამთავრობო ორგანიზაციის "პერსესის ცენტრი მშვიდობისთვის", მეშვეობით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.