დიდი ბრიტანეთს მთავრობა, ჰაერის დაბინძურების შემცირების მიზნით, აპირებს 2040 წლიდან დიზელზე და ბენზინზე მომუშავე ავტომობილები აკრძალოს.
მინისტრები ასევე აპირებენ ჰაერის ხარისხის გასაუმჯობესებლად გამოყოფილი 3 მილიარდი ფუნტი სტერლინგიდან 255 მილიონი ფუნტი ადგილობრივ საბჭოებს გაუნაწილოს იმისათვის, რომ დიზელზე მომუშავე ავტომობილებისგან ჰაერის დაბინძურების საკითხები მოაგვარონ.
უმაღლესი სასამართლოს საბოლოო ვადამდე მთავრობა აპირებს გამოაქვეყნოს სუფთა ჰაერის გეგმა, რომელიც მხარს უჭერს დენზე მომუშავე ავტომობილებს.
ხანგრძლივი ბრძოლის შემდეგ, სასამართლომ მიიღო გადაწყვეტილება, რომლითაც მთავრობა აიძულა შეემუშავებინა ახალი გეგმა, დიდი რაოდენობით აზოტის დიოქსიდის გასამკლავლებლად.
მინისტრებმა ეს გეგმა უნდა წარადგინონ 2018 წლის მაისის თვეში.
გარემოს დაცვის მინისტრმა, მაიკლ გოვმა განაცხადა, რომ მთავრობა ადგილობრივ სამმართველოს გამოუყოფს 200 მილიონს იმისთვის, რომ დასახონ გეგმები გარკვეულ ადგილებში გაზრდილი დაბინძურების შესაჩერებლად.
„ჩვენ განვუცხადეთ ადგილობრივ მმართველობას, გამოენახა გამოსავალი ამ კანონპროექტზე“, განაცხადა გარემოს დაცვის მინისტრმა დღევანდელ გასაუბრებაში.
კითხვაზე, იქნება თუ არა გარკვეული ავტომობილების მფლობელთათვის ფულადი ჯარიმები, მან უპასუხა: „მე არ ვფიქრობ რომ ეს აუცილებელია... მაგრამ ჩვენ ვიმუშავებთ ადგილობრივ სამმართველოსთან და დავადგენთ საუკეთესო გამოსავალს“.
გარემოს დაცვის მიზნით იგეგმება ავტობუსების და სხვა ტრანსპორტის ჩანაცვლება უფრო სუფთა ტრანსპორტით, რომლებიც არ იქნებიან საზიანო გარემოსთვის. ასევე შეიცვლება გზის იერსახე, გადაპროგრამდება შუქნიშნები რათა ავტომობილით მგზავრობა უფრო დაუბრკოლებელი და სასიამოვნო გახდეს.
SMMT (ძრავის მეწარმეთა და მოვაჭრეთა ასოციაციამ) განაცხადა, რომ მნიშვნელოვანია თავიდან იქნას არიდებული დიზელის აშკარა აკრძალვა, რადგან ეს ამ მრეწველობის დარგს დაღს დაასვამს. ძრავის მეწარმეთა და მოვაჭრეთა ასოციაციის ხელმძღვანელმა, მაიკ ჰეივსმა აღნიშნა, რომ დენზე მომუშვე ავტომობილებზე მოთხოვნა იზრდება, თუმცა ძალიან დაბალი ტემპით.
„ინდუსტრიას ნაცვლად ამისა სჭირდება პოზიტიური მიდგომა , რომელიც მომხმარებლებს მისცემს სტიმულს იყიდოს ასეთი ავტომობილები. ჩვენ მრეწველობის ამ დარგს შეიძლება ძირი გამოვუთხაროთ, თუ ცვლილებებისთვის დროს არ მივცემთ“, განაცხადა მაიკ ჰეივსმა.
• ამ თვის დასაწყისში, ინგლისის მსგავსად, საფრანგეთმაც მხარი დაუჭირა 2040 წლისთვის ბენზინზე და დიზელზე მომუშავე ავტომობილების ეკოლოგიურად სუფთა ავტომობილებით ჩანაცვლებას.
• BMW-მ სამშაბათს განაცხადა, რომ Mini-ს მარკის მანქანები 2019 წლიდან სრულიად დენზე მომუშავე იქნება.
• შვედურმა მანქანათმწარმოებელმა კომპანიამ, Volvo-მ, განაცხადა, რომ იმავე წლიდან ყველა ავტომობილს დენზე მომუშავე ძრავა ექნება.
BBC-ს გარემოს ანალიტიკოსის, როჯერ ჰარაბინის ანალიზი
თუ მთავრობა უკეთეს საზოგადოებრივ ტრანსპორტს არ უზრუნველყოფს, ადგილობრივ საბჭოებს არ ექნებათ მანდატი ბინძურ ავტომობილების დაჯარიმების, თუკი ისინი ვერ შეძლებენ დაბინძურების სხვა საშუალებებით გადაწყვეტას, მაგალითად უკეთესი საზოგადოებრივი ტრანსპორტით ან დიზელზე მომუშავე ავტომობილების პიკის საათებში აკრაძლვით.
მინისტრებმა, უმაღლესი სასამართლოს მოთხოვნით, გეგმა ამ თვის ბოლომდე უნდა შეიმუშავონ.
არსებული გეგმა არ არის ამომწურავი - ის არ მოიცავს მშენებლობების, სასოფლო-სამეურნეო საქმიანობის და გაზის საქვაბეებისაგან გამოწვეულ დაბინძურებას.
მაგრამ, მინისტრები თანხმდებიან, რომ უკეთესია შემუშავდეს სქემა მთავარი პრობლემის გასამკლავლებლად, ვიდრე სწრაფად და დაუდევრად შეიმუშავონ სტრატეგია.
ჰაერის დაბინძურება ასევე კავშირშია ერთ წელიწადში 40,000 ნაადრევ სიკვდილთან დიდ ბრიტანეთში და ტრანსპორტს ასევე წვლილი შეაქვს სითბური გაზების გამოყოფასთან.
მთავრობის წარმომადგენელმა განაცხადა, რომ ცუდი ხარისხის ჰაერი არის „გარემოს დაცვასთან დაკავშირებული უდიდესი რისკი“ დიდი ბრიტანეთის საზოგადოებრივი ჯანდაცვისთვის.
“ClientEarth”-ის მთავარმა ხელმძღვანელმა, ჯეიმს ტორნტონმა განაცხადა, რომ ჰაერის დაბინძურების პრობლემა ახლავე უნდა მოგვარდეს.
„ლეიბორისტებმა“ განაცხადეს, რომ მთავრობამ ამ თემაზე მუშაობა მხოლოდ მაშინ დაიწყო, როდესაც სასამართლომ მას მოსთხოვა ეს.
გარემოს, საკვების და სასოფლო საქმეების წარმომადგენელმა, სიუ ჰეიმანმა აღნიშნა: „მაშინ როცა 40 მილიონი ადამიანი ცხოვრობს ჰაერდაბინძურებულ ადგილებში, უნდა ვიმოქმედოთ ახლა, და არა 23 წელიწადში“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.