მცხეთაში, სამთავროს დედათა მონასტრის ეზოში დამარხული მამა გაბრიელის საფლავი გახსნილია.
მცხეთაში შესასვლელი გზები პოლიციის მიერ გადაკეტილია და მონასტრის ტერიტორიაზე მხოლოდ სპეციალური საშვების მქონე პირებს უშვებენ. ტაძრის მიმდებარე ტერიტორიაზე ასევე სამხედროებიც არიან განლაგებულნი.
სამთავროს ტერიტორიაზე მომლოცველები იმყოფებიან, ფერიცვალების ტაძარში კი საღმრთო ლიტურგია სრულდება.
ტაძარში სრულიად საქართველოს კათოლიკოს-პატრიარქს 12:00 საათისათვის ელოდებიან, თუმცა უცნობია მიბრძანდება თუ არა უწმინდესი იქ პარაკლისის გადასხდელად.
საპატრიარქოს განცხადებით, მამა გაბრიელის წმინდა ნაწილებს დღეს სვეტიცხოვლის საკათედრო ტაძარში გადაასვენებენ, ხოლო 14:00 საათიდან სვეტიცხოველში მომლოცველებს საშუალება ექნებათ პატივი მიაგონ წმინდანს. სვეტიცხოველში საზეიმო ლოცვას კათოლიკოს-პატრიარქი 19:00 საათზე დაიწყებს. შესრულდება ღამისთევის წირვა 24:00 საათზე, 03:00 საათზე და ასევე კვირას, 23 თებერვალს 10:00 საათზე.
წმინდა მამა გაბრიელ სალოსის ნეშტს ორშაბათს, 24 თებერვალს ყოვლადწმინდა სამების საკათედრო ტაძარში გადაასვენებენ, სადაც ერთი კვირის განმავლობაში იქნება დაბრძანებული. შემდეგ წმინდა მამის ნეშტს სამთავროს ფერიცვალების მიძინების ტაძარში გადააბრძანებენ და საგანგებოდ გამზადებულ აკლდამაში დაასვენებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.