შეერთებული შტატების პრეზიდენტმა, ბარაქ ობამამ განაცხადა, რომ მან რჩევა მისცა მის შემცვლელს, დონალდ ტრამპს არ ეცადოს თეთრი სახლის მართვას „იმ გზით, რითაც შენ შეიძლება მართო ოჯახური ბიზნესი“. ABC-ის ახალ ამბებთან ინტერვიუში ობამამ თქვა, რომ ტრამპმა „პატივი უნდა სცეს“ შეერთებული შტატების ინსტიტუტებს.

„ფიცის დადების შემდეგ, შენ ხარ ყველაზე დიდი ორგანიზაციის ხელმძღვანელი დედამიწაზე“, - განაცხადა ობამამ.

მან გამაფრთხილებელი განცხადება გააკეთა, რომ მართვასა და კამპანიას შორის განსხვავებაა.

„არსებობენ მსოფლიო დედაქალაქები და ფინანსური ბაზრები და ადამიანები მსოფლიოს გარშემო, რომლებიც ნამდვილად სერიოზულად იღებენ იმას, თუ რას ამბობს ის [ტრამპი]“, - განაცხადა ობამამ.

ამერიკის პრეზიდენტმა ასევე ისაუბრა შეერთებული შტატების სადაზვერვო სააგენტოების ანგარიშზე, რომელიც ბრალს დებს რუსეთს 2016 წლის საპრეზიდენტო არჩევნებზე კიბერ-თავდასხმაში და აღნიშნული ბრძანების გამცემად პრეზიდენტ პუტინს ასახელებს.

მან თქვა, რომ „სათანადოდ ვერ შეაფასა“ ის, თუ რა გავლენა შეიძლება ჰქონოდა ამგვარ თავდასხმებს, „ამ ინფორმაციის ეპოქაში“, „ჩვენ ღია საზოგადოებაზე“.

ობამამ აღნიშნა, რომ ტრამპთან საუბრისას მან იმსჯელა სადაზვერვო საზოგადოებისადმი რწმენისა და ნდობის ქონის მნიშვნელობაზე.

„იქნება ისეთი მომენტები, როდესაც ერთადერთი გზა, მიიღო კარგი გადაწყვეტილება მხოლოდ მაშინ გახდება შესაძლებელი, როდესაც შენ გაგაჩნია ნდობა იმისა, რომ პროცესი მუშაობს“, - განაცხადა ბარაქ ობამამ.