ტელეკომპანია „რუსთავი 2“-ში საგანგებო თათბირი მიმდინარეობს, რომელსაც არხის ხელმძღვანელობა მართავს. ტელეკომპანიის ოფისში მივიდა გენერალური დირექტორის მოადგილე ზაალ უდუმაშვილი, რომელიც კიევში მიხეილ სააკაშვილთან პოლიტიკური კონსულტაციების გამართვის მიზნით იმყოფებოდა და უკრაინის დედაქალაქიდან ახლახან დაბრუნდა.
საქართველოს საზოგადოებრივი მაუწყებლის ცნობით, თათბირზე „კურიერის“ ჟურნალისტებისა და ოპერატორების ნაწილი, ასევე გადაცემა „არჩევანის“ და „პოსტ-სკრიპტუმის“ წამყვანი გიორგი გაბუნია მივიდა. თათბირს ესწრებიან „რუსთავი 2“-ის იურისტები თამთა მურადაშვილი და დიმიტრი საძაგლიშვილი.
საზოგადოებრივი მაუწყებლის ცნობით, სავარაუდოდ, თათბირის შემდეგ განცხადების გაკეთება იგეგმება.
გავრცელებული ინფორმაციით, ნიკა გვარამიამ ტელეკომპანია „რუსთავი 2“-ის გენერალური დირექტორის თანამდებობა დატოვა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.