კონგრესმენი სტივ სკელისი, რომელიც ვირჯინიის ქალაქ ალექსანდრიაში თავის კოლეგებთან ერთად ხუთშაბათისთვის დაგეგმილი ბეისბოლოს საქველმოქმედო თამაშისთვის მზადებისას ცეცხლსასროლი იარაღიდან დაჭრეს, ოთხშაბათ ღამით კრიტიკულ მდგომარეობაში იმყოფებოდა.

შეიარაღებულმა მამაკაცმა, რომელიც პრეზიდენტ ტრამპის მისამართით სიბრაზით სავსე განცხადებებს აქვეყნდება სოციალურ ქსელში, სკელიზსა და სხვა „რესპუბლიკელებს“ ცეცხლი ვირჯინიაში, ბეისბოლის მოედანზე ვარჯიშის დროს გაუხსნა. თავდამსხმელი კაპიტოლ ჰილის პოლიციამ დაჭრა და მოგვიანებით გარდაიცვალა.

„როიტერსის“ ცნობით, სკელისი მარცხენა თეძოში დაჭრეს, ჩამსხვრეული აქვს ძვლები, დაზიანებები აქვს მიყენებული შინაგან ორგანოებზე და დიდი ოდენობით სისხლი აქვს დაკარგული.

„ვაშინგტონის მედსტარ საავადმყოფოს“ განცხადებით, მას ჩაუტარდა ოპერაცია, მაგრამ კვლავ დასჭირდება შემდგომი ოპერაციები.

„რესპუბლიკელი სტივ სკელისი, ერთ-ერთი ნამდვილად დიდებული ადამიანთაგანი, ძალიან მძიმე ფორმაშია - მაგრამ ის ნამდვილი მებრძოლია. ვილოცოთ სტივისთვის!“, დაწერა პრეზიდენტმა ტრამპმა „თვითერზე“ მას შემდეგ, რაც ოთხშაბათ ღამით საავადმყოფოს სტუმრობდა.

შეიარაღებულმა მამაკაცმა, რომელიც პოლიციის მიერ იდენტიფიცირებული იქნა როგორც 66 წლის ჯეიმს ჰოდკინსონი, ილინოისის შტატის ბელევილეს სეინტ ლუისის გარეუბნიდან, ოთხშაბათ დილით ცეცხლი გაუხსნა ალექსანდრიაში ბეისბოლის მოთამაშე მამაკაცებს, კონგრესმენებს და კონგრესის სხვა თანამშრომლებს, რომელთაც მხოლოდ ბეისბოლის ბიტები ჰქონდათ ხელთ თავის დასაცავად.

პოლიციამ რეაგირება ოპერატიულად მოახერხა და თავდამსხმელი დაჭრა, რის შემდეგაც დააკავა, თუმცა იგი მოგვიანებით გარდაიცვალა.