ედინბურგის ჰერცოგი, ფილიპი, გასულ ღამეს საავადმყოფოში „უსაფთხოების ზომებიდან“ გამომდინარე გადაიყვანეს. ინფორმაციას BBC ბუკინგემის სასახლეზე დაყრდნობით ავრცელებს.

მას მკურნალობა „მეფე ედუარდ VII-ის საავადმყოფოში“ ინფექციურ დაავადებასთან დაკავშირებით უტარდება.

BBC-ის ცნობით, იგი „წოლით რეჟიმში უკვე აღარ იმყოფება და კარგ განწყობაზეა“ და მისი საავადმყოფოში დარჩენა „სერიოზული წუხილის მიზეზს არ წარმოადგენს“.

96 წლის ჰერცოგმა მაისში განაცხადა, რომ იგი სამეფო მოვალეობების შესრულებიდან გადადგება, რასაც მხარი დაუჭირა დედოფალმა ელისაბედმა, რომელიც ჯერ კიდევ განაგრძობს მისი ოფიციალური ვალდებულებების შესრულებას - ოთხშაბათს, სიტყვას წარმოთქვამს პარლამენტში.

იგი ჩამოაყალიბებს მთავრობის საკანონმდებლო პროგრამას, ამჯერად მოიცავს 2-წლიან პერიოდს და „ბრექსიტის“ შესახებ დომინირებულ კანონებს.

ბუკინგემის სასახლის მიერ სამშაბათ დილას გავრცელებულ განცხადებაში ნათქვამია, რომ დედოფალს პარლამენტში ფილიპის ნაცვლად ახლდება უელსის პრინცი, პრინცი ფილიპი კი „იმედგაწბილებულია“ ღონისძიების გამოტოვების გამო.