ფრაქცია „ქართული ოცნების" თავმჯდომარე მამაუკა მდინარაძე ტელეკომპანია „რუსთავი 2"-თან საქართველოს ყოფილი პრეზიდენტის, მიხეილ სააკაშვილის ინტერვიუს ეხმაურება.

მდინარაძე მიიჩნევს, რომ „სააკაშვილის გამოჩენით, საუბრით, მისი ნამოქმედარის და პერიოდის გახსენებით, კიდევ უფრო თვალნათელი ხდება რადიკალური განსხვავება ქვეყნის მაშინდელ და ახლანდელ ლიდერებს შორის".

„რაც უფრო ხშირად გამოჩნდება მიხეილ სააკაშვილი, მით უფრო ხშირად გაგვახსენდება, როგორი არ უნდა იყოს ქვეყნის ლიდერი.... ის დღესაც ძველებურად უტიფრად ესაუბრება საზოგადოებას და პირდაპირ ეთერში, თავხედური მეთოდებით ცდილობს შეურაცხყოფა მიაყენოს კვირიკაშვილსა და კალაძეს....

საბედნიეროდ, ჩვენმა ქვეყანამ უმოკლეს დროში შეძლო ავტოკრატიიდან, უსამართლობიდან, კლანური მმართველობიდან გადასულიყო ადამიანზე ორიენტირებულ, დემოკრატიულ, ღია და გამჭვირვალე მმართველობაზე და ჰყოლოდა ლიდერები, რომლებიც ადამიანურობის და წარმატებითს მაგალითს იძლევიან”, განაცხადა მამუკა მდინარაძემ.

ერთი ოროსანი სვამს მეორე ოროსანს - აბსოლუტურ ბრიყვს და გაუნათლებელს - მილიონნახევრიანი ქალაქის მერად, აღნიშული განცხადება მიხეილ სააკაშვილმა გუშინ „რუსთავი 2"-ის გადაცემა „არჩევანში" პირდაპირი ჩართვისას კახა კალაძესთან დაკავშირებით გააკეთა.

მანვე პრემიერ მინისტრი გიორგი კვირიკაშვილიც გააკრიტიკა და აღნიშნა, რომ კვირიკაშვილი ვაშინგტონში ვიზიტის დროს ტრამპის კაბინეტში პრეზიდენტთან სურათის გადასაღებად „მაგიდის გვერდზე აატუზეს“, რაც დამამცირებელი ფაქტია.